От ыйын 3 күнүгэр В. А. Петрова аатынан Ньурбатааҕы улуустар икки ардыларынааҕы Кырдьаҕастар уонна инбэлииттэр интэринээт-дьиэлэригэр Ф. Г. Сафронов аатынан Киин бибилэтиэкэ үлэһиттэрэ иһитиннэрэр-сэргэхситэр чааһы ыыттылар. Интэринээт-дьиэ бибилэтиэкэрэ Светлана Герасимовна олохтоохторун фойеҕа мунньан, «Саха сиэрин-туомун төһө билэҕин?» тургутукка көхтөөхтүк кыттан минньигэс бириис ыллылар, “Кыым” хаһыаттан, «Байдам» сурунаалтан араас кэпсээннэртэн доргуччу ааҕыыны болҕойон олорон иһиттилэр,  салгыы  сахалыы остуол оонньууларыгар оонньоон холоннулар. Түмүккэ, үөрбүччэ-көппүччэ, олохтоохтор махтанан ылбаҕай ырыаларын бэлэхтээтилэр.

Ааҕааччыны кытта үлэлиир салаа.