Бүгүн алтынньы 3 күнүгэр Көрбөттөр Уопсастыбаларын, Инбэлииттэр Уопсастыбаларын Ньурбатааҕы салааларын чилиэннэрэ «Аҕам саастаахтар декадаларыгар» аналлаах тэрээһиҥҥэ муһуннулар.

Тэрээһин бастакы чааһын «Кыталык» култуура киинэ эҕэрдэ кэнсиэринэн саҕалаата. Аҕам саастаах инбэлииттэрин Инбэлииттэр Уопсастыбаларын бэрэссэдээтэлэ Алексеев А. Е., Көрбөттөр Уопсастыбаларын бэрэссэдээтэлэ Яковлева С. С. эҕэрдэ тылларын эттилэр уонна сэмэй бэлэхтэрин туттардылар.

Тэрээһин иккис чааһыгар Федот Григорьевич Сафронов аатынан Киин бибилэтиэкэттэн Николаева Г. Е. «Всё о бутербродах» маастар-кылаас ыытта. Бу тэрээһиҥҥэ кэлбит ыалдьыттар бутерброд устуоруйатын, арааһын билэн, кинигэ быыстапкатын сэргээн, бэйэлэрэ дьиэлэригэр хайдах оңоруохтарын сөбүн билэн, сонун аһылыгы амсайдылар.

Бу курдук, истиҥ-иһирэх көрсүһүү, ирэ-хоро кэпсэтии дьоро түгэнэ буолан ааста. Өрүү даҕаны бу курдук олоххо күүстээх тардыһыылаах, сырдык санаанан салайтаран дьоллоохтук олоруҥ диэн алҕыыбыт!