Россия үрдүнэн алтынньы 15 күнүттэн — сэтинньи 15 күнүгэр дылы «Үрүҥ торуоска» ыйынан биллэриллэн, көрбөт дьоҥҥо аналлаах тэрээһиннэр Ньурба улууһугар ыытылла тураллар. Аан дойдутааҕы үрүҥ торуоска  күнүн тэрчитинэн харахтарынан хааччахтаах дьоҥҥо болҕомто ууран, кинилэр олоххо туруктарын үрдэтэр,чэпчэтэр сыаллаах Ньурбатааҕы Киин библиотека , ааҕааччыны кытта үлэлиир салаа үлэһиттэрэ араас тэрээһини ыыталлар. Сэтинньи 13 күнүгэр  Ньурбатааҕы  инбэлииттэр уонна кырдьаҕастар дьиэлэригэр «Үрүҥ торуоска»  ыйын сабыллыыта буолла. М.Е.Николаев олоҕун,үлэтин  библиотекарь Рея Васильева билиһиннэрдэ. Сахалыы  тургутукка көхтөөхтүк кыттан барыларыгар минньигэс кэмпиэтинэн библиотекарь күндүлээтэ. Кырдьаҕастар уонна инбэлииттэр дьиэлэригэр 14 харахтарынан көрбөт уонна мөлтөхтүк көрөөччүлэр олороллор. Интернат олоҕор мэлдьи көхтөөх кыттааччылара , харахтарынан көрбөттөр уонна мөлтөхтүк көрөөччүлэр Василий Федоров, Василий Петров, Олег Тихонов, Мария Захарова, Мария Комиссарова ылбаҕай ырыанан эҕэрдэлээтилэр.Сарсын Ньурбатааҕы инбэлииттэр обществоларыгар күрэххэ кыттыахтаах Мария Комиссароваҕа ситиһиилээхтик кыттарыгар баҕарабын!

                                                                    Рея Васильева.