2024 сыл «Ньурба кѳмүс күһүнүгэр» Дьиикимдэ Дьөттүнэ Степан Прокопьевич Федотов сүгүрүйээччилэрин уонна ыалдьыттарбытын СӨ норуодунай суруйааччыта Н.В.Михалева – Сайаны, суруйааччылар А.Г. Гуринов – Арчылааны, М. С. Санников – Уол Сарсыны, поэтесса К.Д. Васильева аймахтарын,  СӨ национальнай библиотекатыттан делегацияны күһүҥҥүлүү симэнэн көрсүбүтэ.

Бу күн “Күрүлгэн” уус-уран сурунаал сүрүн эрэдээктэрэ Афанасий Гаврильевич Гуринов-Арчылан сурунаалга суруйааччы төрөөбүтэ 90 сылыгар бүтүн биир балаһаны  С.П.Федотов туһунан матырыйаалы таһаарар туһунан эппитин мустубут дьон-сэргэ уруйдуу көрсүбүтэ. А.Г. Гуринов – Арчылан эппит тылын толорон Ст. Федотов аатын үйэтитээччилэр Л.А. канаева, В.Д. Федотова, киин библиотека үлэһиттэрэ М.Р. Ноева, И. И. Павлова бэлэмнээбит матырыйаалларын 15 сирэйгэ “Күрүлгэн” сурунаал бу сыл 6 нүөмэригэр бэчээттээн таһаарбыт нүөмэрэ бүгүн, ахсынньы ый 28 күнүгэр Ньурбаҕа кэллэ.