От ыйын 23 күнүгэр В.А.Петрова аатынан Ньурбатааҕы кырдьаҕастар уонна инбэлииттэр интэринээт дьиэтигэр «Ааҕар балаҕан сонуннара» көһө сылдьар ааҕар саала үлэһиттэрэ ыалдьыттаатылар. Прокопий Яковлевич Прокопьев -Прокопий Чуукаар 85 сылын бэлиэтии,кини айар үлэтин кытта билсиһиннэрдилэр.

Прокопий Яковлевич Прокопьев — Чуукаар — XX үйэ иккис аҥаарыгар саха литературатыгар, журналистикатыгар уонна общественнай олоҕор биллэр-көстөр суолу-ииһи хаалларбыт киһи. Кини аата саха дьонугар суруйааччы, тылбаасчыт, журналист, кыраайы үөрэтээччи уонна учуутал быһыытынан биллэр.

Күһүңңү ньургуһун” сборнигыттан “Икки харыйа туһунан номоҕун» доргуччу аахтылар.Прокопий Чуукаар «Икки харыйа туһунан номох» кэпсээнэ саха литературатыгар арҕаа дойду литературатын кытта кэпсэтиитин,санаа атастаһыытын биир харахха быраҕыллар холобурунан сыаналыахха сөп.Ааҕыы бүтүүтүн кытта аһаҕас кэпсэтии,ырытыһыы буолла.

Интэринээт олохтоохторо Айар кинигэ кыһата 100 сааһын чэрчитинэн “Саха таабырыннара” ,2002 с. (хомуйан оңордулар С.П.Ойунская,Е.П.Чехордуна) кинигэттэн таабырын таайан, эппиэттэһэн күө-дьаа буоллулар.

Ф.Г. Сафронов аатынан ааҕааччыны кытта үлэлиир салаа.