Чуукаар нэһилиэгэр «Ымыычаан» оҕо уһуйааныгар «Ааҕар дьиэ кэргэн» кулууб былааннаммыт үлэтин иһинэн төрөппүт Евгения Сергеевна оҕолорго «Куобах уонна бөрө» туһунан остуоруйаны ааҕан иһитиннэрдэ.

Оҕо остуоруйаны кыра сааһыттан истэн улааттаҕына, ойуулаан оҥорон көрөр дьоҕура, саҥата, кэпсэтэрэ сайдар. Куһаҕаны, үчүгэйи араара үөрэнэр, тулалыыр эйгэтин билэрэ-көрөрө кэҥиир. Онон кырачаан оҕолорбутугар төрөөбүт тылбытынан элбэх остуоруйаны кэпсиэххэйиҥ.

Клавдия Андреева