Сэтинньи 1 күнүгэр Чаппанда модельнай бибилэтикэтигэр уһун өрөбүллэр кэмнэригэр ыытыллар «Ааҕыы дойдугар айан» тэрээһин чэрчитинэн Сомоҕолоһуу күнүн көрсө 3 кылаас үөрэнээччилэригэр квест- оонньуу ыытылынна. Бастаан оҕолор Сомоҕолоһуу күнүн историятын билсиһэн, видео-презентацияны уонна кинигэ быыстапкатын көрдүлэр.
Онтон салгыы кыргыттар, уолаттар икки хамаандаҕа хайдыһан квест-оонньууга кытыннылар. Оонньуу түмүгүнэн кыргыттар хамаандалара кыайыыны ситистилэр. Кыайыылаахтар Добун суругунан, бары кыттааччылар туоһу суругунан бэлиэтэннилэр. Сынньалаҥ кэмигэр сахалыы остуол оонньуутугар оонньоотулар.

Бибилэтиэкэр Тимофеева Е. С.