Бүгүн алтынньы 27 күнүгэр Чаппанда модельнай бибилэтикэтигэр оскуола оҕолоругар бастакы чиэппэр түмүктэнэн, уһун сынньалаҥнарын кэмигэр тэрээһиннэр саҕаланнылар. Бу күн бибилэтиэкэ бастакы  ыалдьыттарынан буоллулар маҥнайгы кылаас үөрэнээччилэрэ уонна  учууталлара Антонина Дмитриевна. Саҥа ааҕааччылар библиотека быраабылатын кытта билистилэр. «Кинигэни таптыаҥ, киниттэн элбэ5и ылыаҥ» диэн ааттаах сахалыы, нууччалыы тылларынан суруллубут, алын кылаас оҕолоругар аналлаах кинигэ быыстапкатын билистилэр, кинигэ аахтылар. Онтон «В гостях у сказки» биктэриинэҕэ кытыннылар. Биктэриинэ түмүгүнэн саамай саамай элбэх, сөптөөх эппиэттэри биэрэн Аня Сидорова бастакы, иккис Тоня Нехорукова, актыыбынай кыттааччы Оленов Марк, саамай кыра ыалдьыт Кэрэчээнэ Андреева буоллулар. Бары кыттааччылар анал грамоталары, сертификаттары уонна кинигэ бэлэх туттулар. Бэйэлэрин сөбүлүүр геройдарын уруһуйдаатылар, сынньалаҥҥа остуол оонньуутугар уонна хамсаныылаах Дартс оонньууга кытыннылар. Оҕолор өссө да библиотекаҕа сылдьыахпыт диэн үөрэн — көтөн бардылар.

  Е. С. Тимофеева.