Бэс ыйын 13 күнүгэр Чкалов учаастагар, «Куртах» сайылыгар сайыны көрсө Акана нэһилэгэ тыа хаһаайстыбатын бэтэрээннэрин чиэстээтибит.

Күммүт чаҕылыйа тыган, Куртах сыһыыта сибэккииннэн симэнэн, сыһыы муҥунан саха ынаҕа хороҕор муостааҕынан, сыспай сиэллээх сылгынан туолан көрүстэ.

Быйылгы дьылбыт үүнүүлээх буоллун, үрүҥ илгэ үрүлүйэ сүүрдүн диэн бары мустубут дьону сахалыы аал уоту оттон, урааҥхайдыы уран тылынан Үрдүк Айыылары айах тутан алгыс аалын көтөхтө, Аар Айыы итэҕэлин үрдүкү 11-с кэрдиистээх Алгысчыта, ЮНЕСКО иһинэн үлэлиир Аан Дойдутааҕы норуоттар медициналарын ассоциацияларын магистра, үлэ бэтэрээнэ, Ньурба улууһун, Таркаайы, Акана нэһилиэктэрин бочуоттаах олохтооҕо, «Гражданскай килбиэн» анал бэлиэ хаһаайына, саха эмчитэ Алиса Михайловна Иннокентьевна.

Сүөһү иитиитигэр үлэлээбит тыа хаһаайыстыбатын бэтэрээннэригэр эҕэрдэлэрин, бэлэхтэрин тийиэртилэр спонсор Михаил Алексанрович Тимофеев , сайылык хаһаайына «Саха сүөһүтэ» судаарыстыбаннай хааһына тэрилтэтин Олег Марков аатынан Аканатааҕы отделениятын биригэдьиирэ Андрей Владимирович Игнатьев.

Толору астаах сандалы остуолга ытык бэтэрээннэрбит урукку кэмнэри санаан тыл этэн, ыллаан, араас биктэриинэлэргэ эппиэттээн көрүдьүөс түгэннэри кэпсээн күлэн-үөрэн дуоһуйа сынньанан, Андрей В.И сүөгэй, отон сироба бэлэх тутан түмүктээбит.

Бары кыттыбыт дьоммутугар барҕа махтал. Дьоллоох доруобай буолуҥ!

Суруйда: бибилэтиэкэр Павлова В.Л