84 төрдүс хаарын уулларан эрэр айар куттаах доҕорбут Байбал Григорьев-Салҕааһын «Хотун Бүлүү хонноҕуттан» сиэрийэнэн тахсар үһүс кинигэтэ күн сирин көрдө. Кэлэр кэмҥэ кэһии буолар күндү суруйууларын көтөҕөн дойдутугар кэлэн доҕотторугар-атастарыгар, айар үлэтин сэҥээрэр дьонугар, библэтиэкэлэргэ тарҕата сылдьар.

Сааһынан хааччахтааннар суруйааччылар кэккэлэригэр киллэрбэтэхтэрэ да буоллар онтон санаатын түһэрбэккэ, өссө тэбиэһирэн айа-тута сылдьар.
Бүгүҥҥү сырыытын биир түөлбэтинэн Ньурбатааҕы киин библэтиэкэ буолла. Ньурба куорат ааҕааччыларыгар анаан кинигэлэрин бэлэх уунна. Уларсан ааҕыҥ, сэргээҥ.
Күндү киһитигэр чэгиэн-чэбдик туругу, уһун олоҕор билбититтэн өссө таһаарыылаахтык суруйан-айан хаалларарыгар баҕардыбыт.

Д.Н. Пономарев-Дьолуолаах