Балаҕан ыйын 27 күнэ өрөспүүбүлүкэбит Судаарыстыбаннаһын күнүнэн олохтоохтор бэсиэдэ иһиттилэр: 1992 сыллаахха Платон Ойуунускай, Максим Аммосов, Исидор Барахов дьаныардаах туруорсууларынан, Саха Автономнай Сэбиэскэй Социалистическай Республиката төрүттэммитэ.

1990 сыл балаҕан ыйын 27 күнүгэр Саха ССР XII ыҥырыылаах Үрдүкү Сэбиэтэ Михаил Николаев көҕүлээһининэн өрөспүүбүлүкэ судаарыстыбаннай суверенитетын туһунан декларацияны ылыммыта. Ол кэннэ 1922 сыллаахха сувереннай Саха Республиката үөскээбитэ, Михаил Ефимович Николаев маҥнайгы Президенынан талыллыбыта.

«Ньурба» хаһыаттан сонуннары доргуччу ааҕыы буолла. Салгыы Лидия Степановна Алексеева Чуукаар нэһилиэгин ытыктанар киһитэ, педагогическай үлэ бэтэрээнэ, «Уран кут литературнай түмсүү чилиэнэ «Ымыыларбар кэпсээним» саҥа кинигэтиттэн «Ыраах үрэххэ» кэпсээнин иһиттилэр.

Түмүккэ «Саха суруйааччыларын төһө билэҕин?» тургутукка олохтоохтор көхтөөхтүк кыттан дуоһуйдулар.