Маалыкайдааҕы модельнай библиотека тэрийиитинэн Айар Норуот Айымньытын ДЬиэтигэр ыам ыйын 16 күнүгэр «Библиокиэһэ-2025″диэн аахсыйа Бордоҥ нэһилиэгин түөлбэлэрэ кыттыылаах ыытылынна.
Бу Арассыыйа үрдүнэн ааҕыыга анаан сылын ахсын ыытыллар социальнай-культурнай аахсыйа буолар. Ааҕааччылары библиотекаҕа сылдьалларыгар,кинигэ ааҕалларыгар, интеллектуальнай сайдыыларыгар күүс-көмө буолар сыаллаах-соруктаах тэрээһиҥҥэ Бордоҥ нэһилиэгин 9 түөлбэтиттэн 6 түөлбэ кыттыыны ылла.Ол курдук Ленин,Василек,Эбэ,Саһыл,Хоту,Аппа түөлбэлэрин хамаандалара кытыннылар. Аахсыйа Улуу Кыайыы 80 сылыгар аналлаах буолан библиокиэһэни онно туһааннаан үс тосхолунан ыытылынна. Бастаан түөлбэлэр хамаандалара «Своя игра»диэн интеллектуальнай оонньууга күөн көрүстүлэр.
Онтон Соловьева Вера Григорьевна сахалартан Аҕа дойду Улуу сэриитигэр кыттыбыт буойун-суруйааччылары билиҺиннэрии. Онтон Ушканова Ольга Федоровна тар диэн өбүгэлэрбит аһын хайдах астыырын кэпсээтэ уонна тэрээһин кыттыылаахтарын тартан оҥоһуллубут араас аһынан күндүлээтэ. Интеллектуальнай оонньуу 4 араас тиэмэлээх: Аҕа дойду Улуу сэриитэ, Геройдар өлбөттөр, Буойун суруйааччылар, Кыайыыга кынаттаабыт ырыалар диэн. Хас биирдии тиэмэҕэ 5тии ыйытыктаах. Ыйытыктар 10-тан 50-ҥа дылы бааллаахтар. Көхтөөх, эриһиилээх оонньуу түмүгэр Василек түөлбэ кыайыы өрөгөйүн биллэ, маала хаалан Саһыл түөлбэ иккистээтэ, үһүс бочуоттаах миэстэҕэ Аппалар тиксэн үөрдүлэр-көттүлэр.Кинилэргэ олохтоох орто оскуола мастарыскыайыгар оҥоһуллубут Кубоктар, ИП Седалищева Э.Ю бирииҺэ уонна минньигэс бэлэхтэр тигистилэр. Кыттыбыт хамаандаларга барыларыгар Махтал суруктар,кыттааччыларга тус сэртипикээттэр туттарылыннылар.
Дьүүллүүр Сүбэ түмүк таһаарыар диэри олохтоох библиотека биир саамай көхтөөх кыттааччыта,ааҕааччыта,элбэх кинигэ ааптара Соловьева Вера Григорьевна Саха сириттэн Аҕа дойду Улуу сэриитигэр кыттыбыт 25 буойун-суруйааччы туһунан кэпсээн истээччилэрин интэриэстэрин тарта, билиилэрин хаҥатта. Онтон Ушканова Ольга Федоровна өбүгэлэрбит төрүт астарын тары хайдах астыырын,хаһаанарын кэпсээтэ,тарынан оҥоһуллубут араас аһын амсатта. Вера Григорьевна,Ольга Федоровна иккиэн аҕам саастаах Бочуоттаах сынньалаҥҥа олорор,ытыктанар ыал ийэлэрэ,эбэлэрэ,хос эбэлэрэ,бэйэлэрин кэмнэригэр үлэ бөҕөтүн үлэлээбит бэтэрээннэр билигин даҕаны олох үөһүгэр,көхтөөхтүк,эрчимнээхтик сылдьалларынан үүнэр көлүөнэҕэ,эдэр ыччакка үтүө холобуру көрдөрөллөр.Кинилэргэ,омукпут төрүт үгэстэрин илдьэ сылдьар,ону тарҕатар дьоммутугар махталбытын этэбит. Ольга Федоровна Варвара Семенова «Сөпкө аһааһын туһата» диэн кинигэтигэр астыыр тарын ырысыаба киирбитэ. Кинигэҕэ эрэ ааҕар тардаах лэппиэскэни,ымдааны,куураны дьиҥнээхтик амсайдыбыт. ТэрээҺин кыттыылаахтара олус үчүгэй күрэххэ кыттан элбэҕи биллибит диэн махталларын биллэрдилэр.
Диана Николаева
