Ньурбаҕа Варвара Потапова төрөөбүтэ 80 сылыгар- ыам ыйын 13 күнүн — Поэзия күнүнэн биллэрии – кэнчээри ыччакка кэрэни иҥэрии!

Ыам ыйын 13 күнугэр Саха сирин биир чаҕылхай поэта, талааннаах хоһоонньут Варвара Потапова төрөөбүтэ 80 сылын туолла. Бу үбүлүөйдээх күн Ньурба улууһугар Поэзия күнүнэн биллэрбитэ олус үөрүүлээх . Ол курдук, И.С. Жараев аатынан Хорулатааҕы модельнай библиотекаҕа 4-с кылаас үөрэнээччилэригэр «Билиэҕим сиргэ баар кэрэни…» диэн ааттаах поэтическай чаас буолла.

Оҕолор поэзия кэрэ эйгэтин, төрөөбүт тыл уус-уран күүһүн кытта билистилэр. Кинилэр Варвара Потапова олоҕун, айымньыларын, хоһооннорун ырытан, кини айымньыларыр арыйбыт дьолун, тапталын дууһаларыгар иҥэриннилэр.

Тэрээһин саамай кэрэхсэбиллээх чааһа – оҕолор бэйэлэрэ поэзияҕа холонон көрбүттэрэ буолла. Бэриллибит тылга олоҕуран, хоһоон айыытыгар холоннулар. Оҕолор астынан, дууһаларыгар кэрэ иэйиини толорон тарҕаспыттара – бу тэрээһин ситиһиилээхтик ааспытын кэрэһэлиир.