МКУ "Нюрбинская МЦБС"

Центральная районная библиотека имени Федота Григорьевича Сафронова

«Дьиэ кэргэн-биир сомоҕо» күрэх түмүктүүр түһүмэҕэ буолан ааста

Ахсынньы 24 күнүгэр Ньурбатааҕы Ф. Г. Сафронов аатынан Киин бибилэтиэкэҕэ Россияҕа Дьиэ кэргэн уонна Саха Өрөспүүбүлүкэтигэр Оҕо саас сылларыгар аналлаах «Дьиэ кэргэн — биир сомоҕо» күрэх түмүктүүр түһүмэҕэ буолан ааста.

Күрэх икки түһүмэҕинэн ыытылынна. Маҥнайгы түһүмэххэ 18 нэһилиэктэн, Ньурба куоратыттан, Таркаайы Киирэбиттэн уопсайа — 90 ааҕар дьиэ кэргэн кыттыыны ылбыта.

Түмүктүүр түһүмэххэ нэһилиэктэрбит кыайыылаахтара 18 ыал үөрүүлээх тэрээһиҥҥэ мустан, күөн көрсөн, тургутукка эппиэттэн нэһилиэктэрин аатын кѳмүскээтилэр.

Бастакы миэстэни ыллылар Октябрьскай нэһилиэгин дьиэ кэргэнэ — Иванова Мирослава Николаевна, Николаева Күннэй Семеновна, Николаева Сэмира.
Иккис миэстэни ыллылар Акана нэһилиэгин дьиэ кэргэнэ — Алексеева Серафима Федотовна, Васильева Наталья Викторовна, Васильева Эвелина.
Үһүс миэстэҕэ тигистилэр Бордоҥ нэһилиэгин дьиэ кэргэнэ — Ушканова Ольга Николаевна, Самырова Мираида Васильевна, Ушканов Афанасий.

Дьүүллүүр сүбэҕэ үлэлээтилэр Ньурба оройуонун опека уонна попечительства салаатын салайааччыта Халанникова Валентина Семеновна, Ньурба оройуонун муниципальнай тэриллии дьаһалтатыттан социальнай уонна дьиэ кэргэн политикатын салаатын сүрүннүүр специалиһа Ольга Валерьевна Андреева, Ньурбатааҕы кииннэммит бибилэтиэкэ ситимин дириэктэрин солбуйааччыта Саввинова Елена Анатольевна, Ньурба оройуонун ыччат дьыалатын уонна имиджевай политикатын салалтатын проектнай отделын салайааччыта Елена Валентиновна Дьячковская.

2024 сылга Мэҥэдьэктээҕи бибилэтиэкэ үлэһитэ Матрена Гаврильевна Габышева бырайыак суруйан Ньурба улууһун баһылыгын күрэҕэр 180 тыһыынча сууммалаах грант кыайыылааҕа. Күрэҕи тэрийэргэ көмөлөстүлэр Октябрьскайдааҕы бибилэтиэкэ үлэһиттэрэ Людмила Петровна Ефремова уонна Раиса Николаевна Сухаринова.

Кыттааччыларга махтанабыт уонна ситиһиилэри баҕарабыт!