Россияҕа Дьиэ кэргэн, Саха сиригэр Оҕо сылларыгар уонна нуучча улуу бэйиэтэ, прозаига, драматура, критигэ А.С.Пушкин төрөөбүтэ 225 сылыгар аналлаах сылын аайы ыытыллар Бүтүн Россиятааҕы «Библионочь-2024» акция «Дьиэ кэргэнинэн Пушкины ааҕабыт» диэн девиһинэн ыытылынна.
Ыам ыйын 27 күнүгэр Никииппэр Сэмиэнэп аатынан норуот айымньытын киинигэр фойеҕа «В гостях у Пушкина» фотозона, алын кылаас оҕолоругар аналлаах «Идут века, но Пушкин остается» диэн кинигэ быыстапката, зал истиэнэтигэр «Что за прелесть эти сказки!» диэн оҕолор уруһуйдарын быыстапката турдулар. Дьоро киэҺэ үөрүүлээх аһыллыытын кэнниттэн оскуола алын кылаас оҕолоругар аналлаах «Сказочный мир Пушкина» диэн квест-оонньуу ыытылынна. Бу иннинэ эрдэ саас детсад оҕолоругар уонна алын сүһүөх үөрэнээччилэригэр Пушкин остуоруйалардаах «Аптаах холбуйачаан» хас биирдии оҕо дьиэ кэргэнин кэрийбитэ. Онон оҕолор Пушкины кытта олус бэркэ билсибит буоланнар, ыарырҕаппакка туох баар сорудахтары толордулар. Кэлбит оҕо барыта 3-түү хамаандаҕа арахсан барыта 17 оҕо кытынна. Хас биирдии оҕоҕо киирэн истэҕинэ «Золотой петушок», «Золотая рыбка», «Золотая орешка» ойуулардаах житон бэриллибитэ. Онон көрөннөр бэйэлэрин хамаандаларын булустулар. Барыта 5 станцияны кэрийдилэр: «Болдино», «У Лукоморье», «Сказочные ребусы», «Сказочные цифры», «Остров забытых вещей». Станция аайы Пушкин геройдара сорудахтары толоттордулар: Арина Родионовна (Саввинова Нь.А.), Кот ученый (Рехлясова Р.А.), Дьэгэ-бааба (Слепцова Л.С.), Царица-мачеха (Заморщикова Н.А.), Балыксыт эмээхсинэ (Саввинова С.Н.). Сорудаҕы барытын толорон баран бары залга көрсөн остуоруйа геройун кытта флешмоб толордулар. Жюри түмүк таһаарбытынан «Золотые орешки» 1 миэстэ, «Золотой Петушок» уонна «Золотая рыбка» баллара тэҥнэһэн 2 миэстэ буоллулар. Хамаандаларга барыларыгар сертификат уонна минньигэс түҥэтилиннэ. Квест кэнниттэн «Я Пушкина вдохновенно читаю» диэн хоһоон күрэҕэ буолла. Барыта 12 оҕо кытынна. Түмүккэ 1 м.- Васильева Карина 3 кл, 2 м. – Филиппова Василена 2 кл., 3 м. – Филиппова Чэмэлиинэ буоллулар. Уруһуй күрэҕэр уопсайа 29 оҕо кытынна. Түмүккэ, улахан кылаастарга 1 м — Степанов Коля 8 кл., 2 м — Иванова Динара 5 кл. Алын кылаастарга 1 м. Моисеева Санаайа, 2м – Васильева Карина, 3 м — Филиппова Чэмэлиинэ. Миэстэлэспит оҕолор грамотаннан, кыттыбыттар бары туоһу суругунан бэлиэтэннилэр.
Ити кэнниттэн «Мода Пушкинской эпохи» улахан дьон 19 үйэ саҕанааҕы моданнан 14 буолан таҥнан-саптан сыанаҕа хааман көрдөрдүлэр, «Поэзия, неподвластная времени» диэн түҺүмэххэ А.С. Пушкин хоһоонноруттан аахтылар, А.С. Пушкин айымньыларыттан 9 киһи «Поле-Чудес» оонньоотулар. Үс түһүмэҕинэн үстүү киһи оонньоото. Биир киһи «Призка» түбэһэн оонньууттан тахсыбыта. Финалга Макарова В.А. уонна Иванова Г.Д. тахсаннар оонньоотулар. Макарова В.А. үс букваны субуруччу таайан икки шкатулкаттан харчылааҕын таайан ылла. Түмүккэ, биир муҥутуур кыайыылаах Макарова В.А. буолла. Кыайыылаахтар бирииһинэн уонна грамотаннан наҕараадаланнылар. Бу дьоро күнү түмүктээн, бука бары Пушкиҥҥа аналлаах фотозонаҕа хаартыскаҕа түһүү буолла.
Бу күрэх тэрээһинигэр көмөлөспүт, кыттыспыт дьоммутугар улахан махталбытын тиэрдэбит!
Иванова Е. Н.
