Мэҥэдьэккэ «Дьиэ кэргэнинэн сахалыы остуол оонньууларын оонньуохха» диэн олохтоох  библиотека уонна уһуйаан бырайыактарынан олус үчүгэй тэрээһин буолла. 7 араас түһүмэхтээх остуол оонньууларын төрөппүттэр, эбээлэр, эһээ уонна о5олор астына оонньоотулар. Хаһан да оонньооботох оонньууларын саҥа көрөн, боруобалаан, аралдьыйан, сэргэхсийэн, «Өссө да ыытаар, астык оонньуулар эбит, бэрт да тэрээһин буолла» диэн астынан тарҕастылар. Ол курдук «алаадьы» түһүмэххэ Ксенофнтова А. И. кыыһынаан Викториялыын иннилэрин кимиэхэ да биэрбэтилэр. «Ыллык» оонньууга Айтал, Вероника Егоровтар муҥутуур кыайыылаах буоллулар. «Өлүөнэ очуостара» түһүмэххэ Данил Анисимов эһэтинээн Семен Ивановичтыын бастаатылар. «Ойбон» оонньууга Алгыс Тихонов эбээтинээн Светлана Ивановналыын кимнээ5эр да түргэнник мээчиктэри ойбону булларан күннээтилэр. «Ньурба улууһа» холбука улууспут нэһилиэктэрин пазлын хомуйууга Анна, Айыына Даниловтар саамай түргэнник хомуйан, сааһылаан бастаатылар. «Тэлээрик» күөрчэ5и эргитиигэ эр дьон хамаандата, Семен Иванович сиэнинээн Даниллыын саамай бастыҥ бириэмэни көрдөрөн, муҥутуур кыайыылаах таҕыстылар. «Түргэн куб» хомуур оонньууга Эвелина, Маргарита Кириллиннэр түргэннэринэн сөхтөрдүлэр уонна бастаатылар.        Түмүккэ, уопсай баалы ааҕан, муҥутуур кыайыылаахтарынан аатын сүктүлэр  Алгыс Тихонов эбэтинээн Светлана Ивановналыын. 2 үрдэл — Эвелина, Маргарита Кириллиттэр дьиэ кэргэттэрэ, 3 үрдэл — Айтал, Вероника Егоровтар дьиэ кэргэттэрэ.  Бырайыакпыт этэҥҥэ ааста. Тэрээһиммитин сэргээн кэлэн кыттыбыт дьиэ кэргэттэрбитигэр, эбээлэргэ, эһээҕэ барҕа махтал буолуохтун. О5олоргут туһугар кыһаллан, көхтөөх тэрээһинтэн туора турбакка, кэлэн сэргэхсийэн, саҥаны, сонуну билэн, күлэн-оонньоон, бириэмэ5итин туһалаахтык атаарбыккытыгар улахан убаастабыл буолуохтун.

Матрена Габышева, Мэҥэдьэк