Саха сиригэр Олоҥхо декадата буола турар. Саха тыла, саха төрүт үгэһэ аан дойдуга сүппэт албаһа — биһиги олоҥхобут буолар.

2005 сыл сэтинньи 25 күнүгэр ЮНЕСКО саха эпоһын киһи-аймах материальнайа суох шедеврын быһыытынан билиммитэ. Олоҥхо — саха норуотун былыргы эпоһын искусствота, саха фольклорун тиһигэр киин миэстэни ылар. Чэппиэргэ Дикимдэ нэһилиэгин библиотекатыгар үгэс буолбут Олоҥхо дьыктаана ыытылынна. Дьыктааны 12 киһи суруйда. Дьыктаан тиэкиһин (П. А. Ойуунускай «Дьулуруйар Ньургун Боотур» олоҥхоттон быһа тардыы) нэһилиэк библиотекатын сүрүннүүр библиотекара С. Н. Павлова аахта. Дьүүллүүр сүбэҕэ үлэлээтилэр: олохтоох оскуола учуутала Л. А. Сабычикова, ветеран учуутал Л. А. Канаева, библиотекарь С. Н. Павлова.

12 киһиттэн үс киһи «5», аҕыс киһи — «4», биир киһи — «3» сыанаҕа суруйдулар.