Сэтинньи ый устата Малдьаҕар орто оскуолатыгар Саха сирин бастакы Сир оҥоруутун наркома, уопсастыбаннай уонна судаарыстыбаннай диэйэтэл Донской Семен Николаевич — 1 төрөөбүтэ 130 сылыгар аналлаах араас тэрээһиннэр ыытылла тураллар. Ол чэрчитинэн Никииппэр Сэмиэнэп аатынан норуот айымньытын киинигэр нэһилиэк бибилэтиэкэтэ улахан кылаас оҕолоругар история чааҺын ыытта. Манна оҕолор «Судаарыстыбаннаhы төрүттэспит ини -бии Донскойдар» диэн видеосюжет көрдүлэр. Онтон «Өркөн өй» оонньууга билиилэрин тургуттулар. Кыттааччылар элбэҕи биллилэр, көрдүлэр. Түмүккэ, бары сертификатынан уонна минньигэс бириистэринэн наҕараадаланнылар.

Иванова Е. Н.