Бүгүн муус устар 9 күнүгэр Оҕо уонна ыччатбибилэтиэкэтигэр “Оҕо кинигэтин нэдиэлэтин” чэрчитинэн дорҕоонноохтук ааҕыы чемпионатын күрэҕэ буолла.
Ааҕыы киһи өйүн-санаатын сайыннарар. Ааҕыы-буспорт күрэҕэ буолбатах, бу-киһи иэйиитин, тылгадьоҕурун күрэҕэ. Ол аартыкка биһиги бастыҥтан-бастыҥнарбыт,саамай түргэн сытыы өйдөөх,кинигэни таптыыр оҕолорбут күөн көрсөмуһуннулар. Кыттааччыларбыт бэйэлэрин кыахтарын уонна сатабылларын көрдөрдүлэр.
Чемпионат сүрүн соруга-кинигэ ааҕыытын аныгы кэмҥэ сайыннарыы, оҕолору ааҕарга көҕүлээһин уонна сахабыт тылын кэрэтин ааҕыы нөҥүө арыйыы буолла. Дорҕоонноохтук ааҕыы чемпионатын сэргиир-сэҥээрэр сүбэ чилиэннэрин буоллулар:
1.Луиза Акимовна Канаева, учуутал, кыраайы үөрэтээччи, саха литературатын киэҥ эйгэҕэ сырдатааччы,тарҕатааччы.
2. Наталья Будимировна Афанасьева, Ньурбатааҕы дьиэ кэргэҥҥэ, оҕолорго көмөнү оҥоруу кэлим киин социальнай педагога.
3. Маргарита Романовна Ноева, Ньурбатааҕы киин библиотека кыраайы үөрэтэр салаатын үлэһитэ.
Кинилэр кыттааччы дорҕоонноохтук ааҕыытын уонна тылы таба ааҕыытын, куолаһын иһиллиитин,мүнүүтэҕэ ааҕыытын 5 баалынан сыаналаатылар.

Кыттааччылар кимнээҕий?
Егор Федоров аатынан Хорула орто оскуолатыттан, Александр Чусовской аатынан Ньурба куорат техническэй лицеиттэн уонна Степан Васильев аатынан элбэх хайысхалаах гимназияттан барыта 22 5-6 кылаас үөрэнээччилэрэ күөн көрүстүлэр.

Чемпионат хайдах ыытылынна?
БАСТАКЫ түһүмэххэ сахалыы хоһоону уус ураннык аахтылар. ИККИС түһүмэххэ сахалыы кэпсээнтэн быһа тардан аахтылар. ҮҺҮС түһүмэххэ бастыҥтан бастын иһин киирсиигэ мүнүүтэҕэ аахтылар.
Кэпсээнтэн, хоһоонтон ааҕыы кээмэйинэн барыта тэҥ тиэкистэри кыттааччылар тута ылан аахтылар.Бастакы ПОЭЗИЯ түһүмэҕэр бары 18 строкалаах хоһоону аахтылар, онтон 7 кыттааччы туораата. Иккис ПРОЗА тиэкиһэ 200 тылтан турар. Бу түһүмэх кэннэ эмиэ аҥаардара хомойуох иһин туораатылар. Үһүс түһүмэххэ хаалбыт оҕолор мүнүүтэҕэ аахтылар.

Оҕолорбут саха суруйааччыларын айымньыларын, билсэн, ааҕан төрөөбүт тылгыт үтүө сүмэтинэн,чемпионат түмүгэ таҕыста. Түмүгү билиһиннэрэр буоллахха маннык.
Чемпионат кыайыылаахтара:
“Кыайыыга дьулуурун” иһин анал аат иҥэрилиннэ Тобонова Дианаҕа (Хорула орто оскуолата, 6кыл.), Иннокентьева Сайаанаҕа (гимназия,5кыл.),Андреев Егорга (гимназия,6кыл.)
Бастакы миэстэни ылла Тоноев Айыллаан(гимназия 5кыл)
Иккис миэстэни ылла Никифорова Сандаара(лицей 5кыл)
Үһүс миэстэни ылла Климов Эльдар (гимназия 6кыл)
Муҥутуур кыайыылааҕынан буолла Григорьев Марик гимназия 5кыл үөрэнээччитэ.

Библиотекарь Григорьева О.Д