“Эридьиэстээх боппуруос
Элбэҕинэн сөхтөрөр
Эһээ барытын билиэхтээх
Эппиэт биэрэн иһиэхтээх
Кыра, кыра киһичээн
Куччугуйкаан оҕочоон
Эһээ, эбээ дьоннорго
Минньигэсчэй киһичээн”
Байбал Сэмиэнэп.

Бүгүн алтынньы 4 күнүгэр, аҕам саастаахтар күннэрин чэрчитинэн, Чаппанда олохтоох библиотекатыгар «Эбээ, эһээ иитиитэ — олоххо төһүү күүс» — диэн аатаах сылаас алаадьылаах итии чэйдээх төгүрүк остуолу «Дьоҕур» норуот айымнньытын уус уран салайааччыта Семенова С. Д. салайан ыытта. Кинилэргэ анаан кинигэ быыстапката турда.

Элбэх сиэннэрдээх эбээлэр, эһээлэр кэлэн оҕону иитиигэ эбээ, эһээ кыттыыта тиэмэҕэ бэйэлэрин оҕону иитиигэ опыттарын үллэһиннилэр. Ол курдук бастакы боппуруоһунан оҕо талаанын хайдах таба көрөн сайыннарабыт , боппуруос тула бэйэлэрин опыттарын үллэһиннилэр.. Оҕо күнэ сарсыардаттан хайдах саҕаланарый, туох дьарыктаахтарый? Оҕону үлэнэн иитии, айылҕаҕа сыһыарыы, төрөөбүт тылга иитии курдук боппуруостарга санааларын эттилэр. Төгүрүк остуолга кытыннылар: Любовь, Павел Семеновтар, Валентина, Федор Гаврильевтар хос сиэннэринээн, Егорова З. В., Николаева В. Н., Данилова А. Д., Терентьева Р. Н., Кононова М. Н. Эбээлэрин, эһээлэрин э5эрдэ ырыаларынан киэргэттилэр Даниэль Андросов, Валера Константинов, хомус доҕуһуолунан э5эрдэлэрин тириэртилэр Валентина, Федор Гаврильевтар хос сиэннэрэ: Олеся, Вася Гаврильевтар. Оҕону, биһиги кэнчээри ыччаттарбытын иитиигэ туһуламмыт олус интэриэһинэй, сэргэх кэпсэтии буолла.

Чахчы да оҕолорбутун хайдах иитэн таһаарарбыт дьиэ кэргэнтэн улахан тутулуктаах. Библиотека, кулууп аатыттан оҕону иитиигэ төһүү күүс, көмө буолар эбээлэрбитигэр, эһээлжрбитигэр махтал суруктары туттардыбыт.

Е. С. Тимофеева бибилэтиэкэр.