Аҕам саастаах дьоммут биһиги олохпутугар ураты суолтаны ылаллар. Кырдьар сааһы көмүс күһүҥҥэ тэҥнииллэр. Ол иһин бырааһынньык бу кэмҥэ ыытыллар.

Алтынньы 4 күнүгэр Чуукаар нэһилиэгэр аҕам саастаах киһи аан дойдутааҕы күнүгэр анаан нэһилиэкпит «Талба» эбээлэр түмсүүтэ оскуола саастаах алын сүһүөх оҕолоругар «Эбээм остуоруйата» диэн бэрт сэргэх тэрээһин буолан ааста. Эбээлэрбит кырачаан оҕолорбутугар араас остуоруйалары, таабырыннары ааҕан үөртүлэр. Ону таһынан эбээлэрбит минньигэс кэмпиэт, бэйэ оҥоһук кэһиилээх кэлэннэр оҕолору дьоллоотулар.

Аҕам саастаах дьоммутугар кытаанах доруобуйаны, уһун дьоллоох үйэни баҕарабыт! Чугас дьоҥҥут тапталынан угуттанан, сэргэхтик олоруҥ!

Клавдия Андреева.