Киин библиотека 1998 сыл алтынньы 12 күнүн Саха сирин
Правительствотын ыйааҕынан профессор Федот Григорьевич Сафронов
аатын 25 сылын сугэр. Ол төрүөтүнэн, биир дойдулаахпыт Россия уонна
Саха сирин биир бөдөҥ учуонайа, профессор Федот Сафронов тус бэйэтин
библиотекатыгар мунньубут фондатыттан 1200-тэн тахса кинигэтэ бэлэх
быһыытынан кэлбитэ буолар. Фондаҕа история, этнография, археология
эйгэтин кинигэлэрэ, 19-с, 20-ис уйэ саҥатыгар тахсыбыт 230-тан тахса
сэдэх кинигэлэр бааллар.

Маны таһынан, Сафронов фондатыгар 267
автографтаах кинигэлэр бааллар. Бу — улахан ученайдар, чинчийээччилэр,
суруйааччылар, ол иһигэр сахалар эрэ буолбакка, уруккута Советскай
Союз араас муннуктарыттан улахан убаастабылы, махталы кытта
бэйэлэрин научнай таһаарыыларын бэлэх ууммуттар. Бу үтүө тускуллаах
бэлэҕи профессор огдообото, республика үтүөлээх учуутала,
педагогическай наука кандидата Татьяна Алексеевна Белозерова уонна
кинилэр уолаттара оҥорбуттара.
Оройуон библиотекатыгар Федот Григорьевич Сафронов
фондатыттан, сэдэх кинигэлэринэн оҥоһуллубут “Его имя носит наша
библиотека” кинигэ быыстапкатын кэлэн билсиҥ, сэҥээриҥ диэн
ыҥырабыт!

Ааҕааччыны кытары үлэлиир салаа.