Бүгүн, бэс ыйын 13 күнүгэр СР Культуратын үлэһитэ, туйгуна, үөрэҕирии туйгуна, Гражданскай килбиэн бэлиэ хаһаайына, Ньурба улууһун, Чуукаар, Акана нэһилиэктэрин бочуоттаах олохтооҕо, самодеятельнай композитор Егор Михайлович Поликарпов төрөөбүтэ 85 сыла. Егор Поликарпов Дөҥкүүдэ Эбэ Хотун дьоһун-мааны дойдутугар Аканаҕа 1941 сыллаахха бэс ыйын 13 күнүгэр 11 оҕолоох Поликарповтар дьиэ кэргэттэригэр 9-с оҕоннон күн сирин көрбүтэ.

Саха сирин биллэр мелодиһа, Самодеятельнай композитор Егор Михайлович Поликарпов олоҕун обургу лоскуйун, 50-ча сылын айар улэҕэ анаабыта. Элбэх ылланар ырыа авторын быһыытынан радиотттан, хаһыаттан игин элбэхтик истэбит,  билэбит.

Егор Михайлович өр  сылларга культура эйгэтигэр үлэлээн сүдү кылааты киллэрбитэ. Саас 1 Маайдааҕы «Эдэр коммунист» бырааһынньыктааҕы нүөмэригэр «Эйэ куората- Мииринэй» диэн бастакы ырыата бэчээттэнэн тахсыбыта. Аан бастаан аата ааттаммыт кэмэ-1961с, 1 май.

Интэн ыла республикаҕа мелодист быһыытынан биллэн, көстөн барбыта.

Егор Михайлович библиотекаҕа ааҕааччы быһыытынан элбэх кинигэни ааҕар этэ. Сүрүннээн көрдөөх-нардаах хоһооннору сөбүлээн ааҕара.  Сорохторугар анаан-минээн көрүдьүөс көхтөөх ырыалары анаан айара.

Егор Михайлович ырыалара сүрүннээн төрөөбүт дойдуга тапталы, бэриниилээх буолууга аналлаахтар. Кини айар үлэтэ туспа эйгэлээх, араас өрүттээх.

Клавдия Андреева