Ыам ыйын 7 күнүгэр Чаппанда нэһилиэгэр М. С. Семёнов аатынан «Дьо5ур» норуот айымньытын дьиэтигэр “Эйэлээх халлаан анныгар, кэнчээри кэскилин иннигэр» тыыл, үлэ бэтэрээннэрин, сэрии оҕолорун үйэтитэн Николаева Татьяна Дмитриевна 2020 сыллаахха таһаарбыт, 3 чаастан турар, компакт диискэтин сүрэхтэниитэ буолан аастаа. 

Манна кэлэн кыттыыны ыллылар тыыл,  бэтэрээнэрэ, сэрии сылын оҕолоро, сиэннэр, оскуола оҕолоро. 

  Ааптар Татьяна Дмитриевна диискэ5э кимнээх киирбиттэрин, ис хоһоонун, сыалын-соругун билиһиннэрдэ. Бу диискэ тахсыыта саамай биһиги үүнэн иһэр эдэр көлүөнэ ыччаттарбытыгар ананар. 

Бу көрсүһүүгэ кэлбит дьон бэйэлэрин санааларын этиннилэр.Тэрээһин кэмигэр э5эрдэ ырыалар ылланнылар, «Память о войне нам книга оставляет » диэн нэһилиэкпит сэрии историятын кэпсиир кинигэ быыстапката, «Суох буоллун сэрии, туругурдун эйэ» о5олор уруһуйдарын быыстапката турда. 

 Кулууп, библиотека аатыттан тыыл, сэрии сылын оҕолоругар э5эрдэ суруктары кытта, Кыайыы, таптал, хорсун быһыы символа буолбут гвоздика сибэккилэри бэлэх туттулар.

Татьяна Дмитриевнаҕа Улуу Кыайыы Өрөгөйдөөх күнүн чугаһатыспыт туруу үлэһит аҕа көлүөнэ дьоммут туһунан өлбөөдүйбэт үтүө өйдөбүлү кэнэҕэс кэнчээри ыччакка хаалларан , кинилэр сырдык ааттарын үйэтититэн үйэлэргэ хаалар кэскиллээх, кэрэхсэллээх санааҕынан, дьоһун үлэни иилээн-саҕалаан таһаарбытынан махтанан Махтал сурук, гвоздика сибэкки, кинигэ бэлэх туттардыбыт. 

Түмүккэ оҕолор Арассыыйа үрдүнэн сылын ахсын ыытыллар патриотескай «Георгиевкай лиэнтэ» аахсыйа5а кыттыһан,  кэлбит ыалдьыттарга, Аҕа дойду Улуу сэриитигэр Ийэ дойдуларын көмүскээн, олохторун толук уурбут саллааттар хорсун быһыыларыгар сүгүрүйэн  кинилэринэн киэн туттан туран, махтал бэлиэтин Георгиевскай лиэнтэлэри түҥэттилэр.