Ахсынньы 19 күнүгэр, Бүтүн Арассыыйатааҕы көрбөттөр уопсастыбаларын Ньурбатааҕы филиалыгар «Хоһоон хонуутунан» диэн тэрээҺин буолан ааста.

Бу күн уопсастыба чилиэннэрэ хоһоону хонноҕуттан ылан хомоҕойдук аахтылар, ыллам ырыа ылланна, ону тэҥэ, фетр матырыйаалтан кэлэр сыл бэлиэтин «Моҕой» ойуулаах харыйа оонньуурун чочуйан, бэлэх оҥоһуннулар.

Бука бары тэрээһин кыттыылаахтара хоһоон ааҕалларын астыналларын биллэрдилэр, үгүс кэрэ аҥардар оҕо эрдэхтэн илдьэ кэлбит дьарыктара эбит. Төрөөбүт төрүт тыл сайдар кыаҕын, инникилээҕин өссө төгүл бигэргэттилэр.

Онон, бүгүн эмиэ биир сэргэх тэрээһин доруобуйаларыгар хааччахтаах дьоммутугар ананан, сэмэй болҕомто ууруллан, дьоммут-сэргэбит үөрэн, сэргэхсийэн тарҕастылар. Инникитин өссө маннык интэриэһинэй тэрээһиннэр ыытыллыахтарыгар баҕа санааларын эттилэр, көхтөөх кыттыыны ылыахпыт диэн эрэннэрдилэр. Кэлэр сылга үлэбит ис хоһоонун байытан тэҥҥэ үлэлэһиэхпит.

Ааҕааччыны кытта үлэлиир салаа.