Егор Афанасьевич Борисов Ил Дарханынан олорон 2011 сыллаахха бэс ыйын 27 күнүгэр таһаарбыт ыйааҕынан Саха Өрүспүүбүлүкэтигэр Хомус күнэ сэтинньи ый 30 күнүгэр бэлиэтэнэр буолбута.

Бүгүн, Акана нэһилиэгэр М. Н. Петрова — Тойуктаах Марыына аатынан култуура уонна успуорт киинигэр Саха сиригэр «Хомус» күнүн бэлиэтиир тэрээһин ыытылынна. Култуура киинин исписэлиистэрэ Алексей Михайлов, Мотрена Максимова тэрээҺиҥҥэ мустубут бар дьоҥҥо хомус дьүрүскэн тыаҺын бэлэх ууннулар.
Мотрена Васильевна кэлбит ыалдьыттарга саха хомуһун аҕата, уһулуччулаах тардыы маастара – Лука Турнин, ытыс ымыыта хомуһу үйэлэргэ өлбөт — сүппэт тыыннаабыт, аан дойду аартыктарыгар эркээйи охсубут – Хомус Уйбаан, хомуска тардыыны аныгылыы тыыннаабыт уонна ол хайысхатын төрдүгэр турбут – Бүөтүр Оҕотоойоп, Аан дойду хомуска «Паганинита» – Спиридон Шишигин, Саха сирин култууратын хомуска аныгылыы тардыынан аар — саарга аатырдар – Ольга Подлужная — Олена Уутай онтон да атыттар ааттара хомус устуоруйатын кытта быстыспат ситимнээхтэрин туһунан кэпсээтэ, оҕолорго бэрт сэргэх тургутук ыытта.
Түмүккэ Алексей Прокопьевич хомус тардыытын араас ньымаларын кэпсээтэ, көрдөрдө, үөрэттэ. Бу күн мустубут ыалдьыттарбыт хомус туҺунан элбэҕи билэн, үөрэнэн тарҕастылар.
Саха хомуhа өссө даҕаны аар — саарга аатырар кыахтаах, киэҥ далааһыннаахтык сайдар саргылаах.

Туругурдун саха хомуһа! Туругурдун Хомус күнэ!

Виктория Павлова.