И.С.Жараев аатынан олохтоох билиотекаҕа олунньу 12 күнүгэр алын кылаас оҕолоругар аналлаах «Аман өс» күрэх ыытылынна.

Күрэххэ 5 оҕо кытынна. Сүрүн тосхоллоро

1. бэйэлэрин билиһиннэрии

2. Бэлэмнэммиттиэмэлэрин арыйыы

3. Хартыынанан кэпсээһин.

Тэрээһини Сахам тылын туһунан үчүгэйкээн хоһоонунан 3-с кылаас үөрэнээччилэрэ арыйдылар. Күрэх тыҥааһыннаахтык ааста, долгуйуу, үөрүү да баар буолла.

Дьүүллүүр сүбэҕэ СӨ Үөрэҕириитин бэтэрээнэ, өр сылларга иитээччинэн үлэлээбит Чукрова В.А., олохтоох дьаһалта үлэһитэ, экономист Егоров В.Д. уонна Т.Р.Иванов аатынан «Кэскил» култуура киинин уус уран салайааччыта Гуляева К.С. буоллулар.

Күрэхпит түмүгүнэн бастакы миэстэни 3 кыл үөрэнээччитэ Тобонова Сафина, иккис миэстэни Осипов  Дьулусхан (3кыл), эмиэ иккис миэстэни Степанов Яков (3 кыл) үһүс миэстэни Егорова Данияра (2кыл) ыллылар. Бары добун суруктарынан, өйдөбүнньүк бэлэхтэринэн бэлиэнэннилэр.

Тэрээһиммит иккис чааһынан 3 кылаас оҕолоро бары бэйэлэрин тургутан бэйэни уус ураннаан билиһиннэрэргэ күрэхтэстилэр.

Манна уус тыллаах, дорҕоонноох куоластаах Артур Чочанов тэҥнээҕин булбата. Николаева Сахайа, Герасимова Камилла, Николаев Арылхан, Иванова Амина, Тобонов Аркадий  олус бэркэ кытыннылар. Учууталларга Чочанова Н.Н., Семенова С.А., оҕолор төрөппүттэригэр истиҥ махталбын биллэрэбин. «Кэскил» КК дириэктэригэр Федоров С.И. тэрээһиҥҥэ өйөбүл оҥорбутугар махтал буоллун.