Хорулаҕа Улуу Кыайыы 81 сылынан «Өйдүүбүт, киэн туттабыт, сүгүрүйэбит» диэн кинигэ быыстапката уонна 2-с Украинскай фроҥҥа хорсуннук сэриилэспит Павлов Дмитрий Васильевич бойобуой наҕараадалара, үрдүкү командованиеттан махтал лиистэрэ, докумуоннара, ону сэргэ кини кэргэнэ стахановец, тыыл бэтэрээнэ, сэрии кэмигэр Сангаар шахтатыгар үлэлээбит Мария Семеновна Павлова үрдүк наҕараадалара, араас сылларга тахсыбыт кинилэр тустарынан бэчээккэ тахсыбыт ыстатыйалар дьон көрүүтүгэр турда.

Биир дойдулаахтарбыт бойобуой олохторун элбэх оҕо, киһи сэҥээриитин ылла. Матырыйааллары кичэллээхтик харайар Павловтар кыыстара Ксения Дмитриевна уларыста . Кыайыы 80 сылын көрсө, сэрии сылын оҕото, кыраайы үөрэтээччи Иванов Юрий Наумович көҕүлээһининэн оҕолоро, сиэннэрэ, аймахтара Кэргэннии Павловтар Кыайыыны уһансыбыттара кинигэ таһааран бар дьонноругар үйэлээх бэлэх оҥорбуттара.