Маннык ааттаах кыра, сиэпкэ укта сылдьарга аналлаах илдьит-алгыс кинигэ Украинаҕа спецоперацияҕа сылдьар Ньурба боотурдарыгар анаан култуура департаменын көҕүлээһининэн оҥоһулунна. Кииннэммит бибилэтиэкэ ситимин иһинэн үлэлиир «Ньурба уоттара» түмсүү чилиэннэрэ Хорулаттан Алла Сельтюкова-Айаалла, Варвара Кононова-Балбаара, Хаҥаластан Александра Винокурова-Күн Чөмчүүк, Маартан Валентин Иванов-Наһаарабыс Балантыын, Чуукартан Маргарита Егорова, Өҥөлдьөттөн Евдокия Николаева, Ньурбаттан Тамара Николаева-Сарыада, Валентина Федотова-Алгыстаана хоһоонноро киирдилэр. Кинигэ таһыгар мастан харысхал бэлиэтин Ньурба 1№ оскуолатыгар оҥордулар. Бэчээттээн таһаарыыта ТупсАрт тэрилтэ. Кинигэҕэ алгыс хоһооннору дойдубут көстүүтэ хаартыскалар тупсараллар. Кэннигэр анал сыһыарыынан киирэн театрбыт артыыстарын толоруутугар хоһооннору истиэххэ сөп.

Дьоҕус, күндү кэһии буолан кинигэ Украинаҕа спецоперацияҕа сылдьар Ньурбабыт боотурдарыгар барар.