Мэҥэдьэктээҕи 11 нүөмэрдээх библиотекаҕа уһуйаан оҕолоро киирэн кыра саастаах о5олорго аналлаах кинигэ быыстапкатыттан С.Тарасенко “Бөрө” хоһоонунан суруллубут кэпсээни иһиттилэр. «Дьиктилээх физика» А.П.Шестакова кинигэтиттэн «Устар булаапка» уопуту оҥорон астыннылар, сэргэхсийдилэр.

Күн иккис аҥарыгар оҕо кинигэтин нэдиэлэтин чэрчитинэн «Сарыал” уһуйаан иитиллээччилэригэр дор5оонноохтук аа5ыы күнэ буолла. Кыра бөлөххө «Бөрө» кэпсээн кэпсэннэ, улахан бөлөх оҕолоругар Далан «Тулаайан о5о» романтан быһа тардыы “Күрүөйэх кыыс” диэн элбэх оҕо болҕомтотун тардар уруһуйдаах кэпсээн ааҕылынна. Кырачаан оҕолор ордук кыыл-сүөл туһунан интэриэһиргииллэрин, улахан бөлөх оҕолоро ордук элбэх хартыыналаах, харах хатанар ойуулардаах кинигэни сэҥээрэллэрин учуоттаан, бүгүҥҥү күн бэккэ ааста. Оҕолор интэриэһиргээбит харахтара, сэҥээрбит сирэйдэрэ көрүөхтэн астык көстүү.