Ыам ыйын 30 күнүгэр Чаппанда нэһилиэгэр С. П. Алексеев — Боһуут аатынан орто оскуола5а күһүн ыытыллыахтаах “Школа креативной индустрии”-аныгы кэм сатабылларын туһунан айан-тутан онорон таһаарыы оскуолата проект чэрчитинэн оскуола оҕолоругар, учууталларга, култуура үлэһиттэригэр Аан дойду таһымнаах бэстибээлгэ бэлэмнэнии үлэлэр тула, кэпсэтии ыытылынна. Манна кыттыыны ыллылар :биир дойдулаахпыт АГУИККИ ректора Игнатьева С. С., Ньурба оройуонун улуус баһылыгын социальнай боппуруостарга салайааччыта Петрова Н. С., Ньурба оройуонун үөрэх управлениетыттан Васильев С. В. , Чаппанда МТ баһылыга Бухолов К. Г, К. Д Уткин аатынан “Норуоттар до5ордоһуулара” түмэл салайааччыта Туманова А. А., Ньурба оройуонун култуура уонна ыччат бэлиитикэтин департаменын салайааччытын солбуйааччыта Николаева Нь. В.,чугас сытар нэһилиэк оскуолаларын директордара, “Дьо5ур “норуот айымньытын үлэһиттэрэ.
Кэпсэтии түмүгүнэн санааларын эттилэр: АГУИККИ ректора Игнатьева С. С. Бу бырайыак “Үөрэхтээһин +култуура “ проект 5 сыла буолбута, быыс кэм курдук ааһыахтаах . Үөрэхтээһин систиэмэтигэр саҥа подходтары киллэрии, аныгы технологиялары олоххо киллэрии буолар. Бу проекпытыгар кыттааччыларбыт бааллар, идеяларбыт кэҥээн иһэллэр , ол курдук ЧИФКиС эмиэ кыттыһабыт диэн биллэрдилэр, ол аата култуурнай — спортивнай бэстибээл диэн буолар буолла. Манна өссө шахматнай оонньууну киллэриэххэ диэн былаанныы сылдьабыт АГАТУ кыттарын өссө да биллэрэ илик. Манна өссө Бурятияттан, Монголияттан уонна ГИТИС кэлэн кыттыыны ылаары сылдьаллар. Онон программа бэс ыйыгар туруон наада, бэйэ5ит идеяҕытынан программаҕа этиилэр наадалар, бэс ыйын ортотугар оҥоруохха наада. Креативнай индустрия сайдан турар, экэниэмикэ биир сүрүн өрүтэ буолла. Бу бэстибээл эһиилги оонньууга бэлэмнэнии курдук буолуохтаах.
Ньурба оройуонун улуус баһылыгын социальнай боппуруостарга салайааччыта Петрова Н. С.,Международнай бэстибээл бала5ан ыйыгар буоларын бары билэн олоро5ут, бу оҕо бэстибээлэ диэн, улахан дьон бэстибээли тэрийиигэ тэрийээччилэр буолаллар. Сүрүн соруктары Саргылана Семеновна тириэртэ. Бэстибээл 5 сыллаах үлэ түмүгүн уонна саҥа этапка барар быыс курдук ааһыахтаах. Директордары ыҥырбыт сүрүн сорукпут ханнык оскуола ханнык программанан кыттарын эрдэттэн былаанныы сылдьаргыт наадалаах. Программа сүрүн ата5а бэс ыйын ортотугар туруон наада, онон оскуола директордара бэйэ5ит идеяларгытын толкуйдаан программаҕа киирэригэр этиилэргит наадалар. Креативнай индустрия сайдан турар, экэниэмикэ биир сүрүн өрүтэ буолан бүттэ . Ол иһин креативнай индустрияҕа тэрэҕирдэхпитинэ, култуура, ускуустуба, технология, урбаан эйгэтин сайдыыта барыта, бэйэбитигэр тиийимтиэ, өйдөнөр буоллахтарына, сайдыыга тиийиэхпит. АГАТУ- ну бэйэбитигэр тардыахпытын наада. Биһиэхэ элбэх агро — оскуолардаахпыт. Аспыт-үөлбүт барыта эһиилги оонньууга бэлэмнэнии курдук буолуохтаах. Бары күүспүтүн түмэн, сөбүлэһэн туруннахпытына кыаллыа5а, — дии саныыбын. Онон күһүн ыытыллар үөрэх управлениетын мунньа5ар бу бэстибээл туһунан бырагыраамаҕа киллэрэн хос, хос тиэмэни ыспат курдук холбуу мунньах ыытыахха наада.
Чаппанда МТ баһылыга Бухолов К. Г. Биһиги бу бэстибээл ыытыллар сирдэрин маннык былааннаан олоробут:
1.Оскуола базатыгар
2. Спорт заалга
3.Кулууп Оскуолабыт базата ас-үөл өртүгэр, спортзаалга спортивнай тэрээһиннэри, кулуупка култуурнай тэрээһиннэри тэрийиэхпит.
Тэрээһиннэри тэрийиибитигэр: саамай ыалдьыттары көрсүүттэн са5алаан, таҥнарбытыттан, тутта-хапта сылдьарбытыттан са5аланар.Онон онно үчүгэй бэлэмнээх буоларбыт ирдэнэр. Ньурба оройуонун үөрэх управлениетыттан Васильев С. В. Барыта идеяттан са5аланар. Бала5ан ыйдаа5ы мунньахпытыгар кэпсэтиэхпит.Биһиги өйбүт — санаабыт биир, ба5ар директордар туспа этиилээхтэрэ буолуо. Онон бэйэ5ит этиилэргитин толкуйдаан этиэхтэрэ диэн этэбит. Петр Петровичка этиилээхпин, кинилэр “Мүчүк “театральнай бэстибээл тэрийбиттэрэ хас да сыл буолла, онон маны сэргии истибит буолуохтаах, быйыл региональнай ыытыллыбыта, 3 — N — дээх оскуола, Антоновка оскуолата эмиэ креативнай хайысхалаах, араас аһылыктары оҥороллор, Тех. лицей эмиэ туспа элбэх хайысхаларынан үлэлиир, 2-N-дээх,Сүлэ агро оскуола араас үүнээйилэри, мастары үүннэрэллэр.
Өссө да атын оскуолалар эмиэ бааллар, онон бары көхтөөх кыттыыны ылыахтара. Уткин аатынан “Норуоттар до5ордоһуулара” түмэл салайааччыта Туманова А. А. Биһиги түмэлбит хамаандата бу соторутаа5ыта Бурятияҕа Улан-Удэ куоракка баран “Музейный Дальний “ баран кыттан кэллибит. Манна Дальнай Восток 7 регионуттан кытта кэлбиттэр. Биһиэхэ үчүгэй баай историялаах түмэллэр бааллар, олортон биирдэрэ Убайаан оскуолатын иһинэн үлэлиир спорт түмэлэ буолар. Бу түмэлгэ элбэх сэдэх матырыйаал элбэх, ону эмиэ бэстибээлгэ да, спортивнай оонньууларга элбэхтик туттуохха наада. Уонна Хатыы нэһилиэгэр эмиэ үчүгэй түмэллэр бааллар. Ити курдук күһүн буолар бэстибээлгэ бэлэмнэнии үлэтэ са5аланан бара турар. Бары биир сомо5о буолан түмүстэхпитинэ туох барыта кыаллыа.
Тимофеева Е.С, Чаппанда
