?️?? Арыы, сүөгэй далбардаах, ?дьэдьэн, отон тэллэхтээх күөх сайын үгэнин биир үтүө күнүгэр☀️? Киин библиотека ааҕар саалатыгар? үһүс көлүөнэ оскуола үлэтин чэрчитинэн буолбут истиҥ көрсүһүүгэ Маар нэһилиэгиттэн Айар куттаах Далбар Хотун Абишева А.П. эмтээх үүнээйини күннээҕи аска туһанар туһунан кэпсээтэ, кучу оттон олус минньигэс салаат оҥорон күндүлээтэ,?? барыбытыгар хатыҥ туоһуттан ыас бэлэхтээтэ. ??Ытыктабыллаах Анна Прокопьевна, «Күөх сайын быйаҥыттан» маастар-кылааһыҥ, мындыр сүбэлэриҥ иһин ис сүрэхтэн махтанабыт!?Эн хоһоонноргор тыл уранын, санаа сырдыгын мэлдьи кэрэхсии ааҕабыт, кылынан-сиэлинэн өрбүт уран оҥоһуктаргын, төрөөбүт дойдубут эгэлгэ кэрэтин таба көрөн хаартыскаҕа түһэрэр үтүө дьарыккын сэргиибит. Айылҕаны таптыырга, харыстыырга угуйар уонна норуот тылынан уус-уран айымньытын — оһуохайы тарҕатар, сайыннарар туһугар утумнаах үлэҕэр махтанабыт! ?Бар дьоҥҥун бу курдук сырдыкка,үтүөҕэ угуйа сырыт!? Раиса Мартынова От ыйын 29 к.