Маалыкайга сэтинньи 30 күнүгэр «Күн ийэ барахсан» диэн интеллектуальнай оонньуу ыытылынна. Бу оонньууга үс араас көлүөнэнэн кытыннылар. Бастакы хамаанда «Мичил», иккис «Сибэкки», үҺүс «Хаар кыырпахтара» диэн ааттанан үстүү буолан күрэхтэстилэр. Оонньуу телевизорга көстөр «Своя игра диэн ааттаах интеллектуальнай оонньууга олоҕуран ыытылынна. Биэс араас тиэмэлэринэн боппуруоска эппиэттээтилэр. Ол курдук, «Күөх Ньурба, Мааны Маалыкай», «Биллиилээх дьахталлар», «Иис абылаҥа», «Ийэҕэ аналлаах ырыалар», «Саха сирин дьиктилэрэ» диэн тиэмэлэргэ өйдөрүн тургутан көрдүлэр. Боппуруостар быыстарыгар «МөҺөөччүк иһигэр куоска» түбэстэҕинэ боппуруоһу атын хамаандаҕа бэлэхтээн, «Дьоллоох түгэн» — босхо баал ылан,»Аукцион» диэҥҥэ ыйыллыбыт баалы үрдэтэн былдьаһан эмиэ ыллылар. Түмүккэ 1 миэстэни «Сибэкки», иккис, «Мичил», үһүс «Хаар кыырпахтара» буоллулар. Кыттааччылар бары бэркэ эппиэттэһэн, сэргэхсийэн, элбэҕи билэн үөрэн-көтөн, махтанан тарҕастылар.
Күрэх иннигэр, «Айар киин» норуот айымньытын дьиэтин директора Иван Семёнович норуоттар икки ардыларынааҕы «Якутия миру» бастакы фестиваль кыттыылаахтарыгар, норуот маастардарыгар Семянова Надежда Семеновнаҕа, Иванова Анастасия Матвеевнаҕа сертификат уонна сэмэй бэлэх туттарда. Тэрээһини Арылхан Мойтохонов ылбаҕай ырыатынан олус киэргэттэ.

Аммосова В. П.,

Маалыкайдаа5ы олохтоох бибилэтиэкэ.