Кыра саастаах оҕолорго көхтөөх ааҕааччылар кинигэ алыптаах аартыктарын арыйан, араас кинигэ дьоруойдарын кытары билсиһэллэр, бэйэлэрин интэриэстэринэн кинигэлэри үлүһүйэн ааҕаллар. Кинигэни ааҕар буолан, билиилэрэ хаҥыыр, аһыныгас буоларга үөрэнэллэр, ырытар, толкуйдуур дьоҕурдара сайдар, ону тэҥэ, таба суруйарга үөрэнэллэр.

Ааҕар оҕо бэйэтигэр эрэллээх буола улаатар. Ааспыт ый түмүгүнэн, Д.И.Николаев аатын сүгэр Киирэп орто сүһүөх оскуолатын алын кылаастарыгар ыытыллыбыт «Көхтөөх ааҕааччы» күрэххэ 3 кылаас үөрэнээччитэ Пыргарь Арсен, 4 кылаас үөрэнээччитэ Николаев Марк, 3 кылаас үөрэнээччитэ Сачарысов Вова бастаатылар уонна сэмэй бэлэхтэрин туттулар.

Ити курдук, ааҕыыга көҕүлүүр араас тэрээһиннэргэ көхтөөх кыттааччыларга махталбытын тиэрдэбит.