Ыам ыйын 8 күнүгэр Улуу Кыайыы 80 сыллаах күнүн көрсө Чаппанда модельнай библиотекатыгар “Ким да умнуллубат, туох да умнуллубат” Патриотическай иһитиннэрии чаастара ыытылынна.

Кыайыы күнүн көрсө Чаппандабыт нэһилиэгин сэрии кэминээҕи историятын, сэрии, тыыл бэтэрээннэрин, сэрии оҕолорун тустарынан нэһилиэкпитигэр тахсыбыт кинигэлэри Н.Т.Степанов аатынан литературнай фольклорнай түмэл үлэһитэ, ааптар Татьяна Дмитриевна Сидорова кэпсээтэ. 

Саҥа тахсыбыт сэрии тыыл бэтэрээнэ Елегяев Д.Д., туһунан, альбому билиһиннэрдэ. 

Салгыы ыам ыйын 10 күнүгэр Ньурба улууһугар Дьоруойдар күннэрин көрсө библиотекарь Тимофеева Е.С. Ньурбаттан тахсыбыт Дьоруойдарбытын Чусовской Н. Н., Кудряшов Н.П., Арассыыйабыт Дьоруойа Григорьев А.Н. — Туута туһунан информацияны иһиттилэр. 

Онтон Араассыыйа үрдүнэн ыытыллар “Журавли Победы — 2025”патриотическай аахсыйаҕа, маастар-кылааска үөрэнэн, бэрт судургутук оҥоһуллар, Улуу Кыайыыга олохторун толук уурбут буойуннар сырдык ааттарыгар сүгүрүйэн, эйэни кэрэһэлиир маҥан туруйалары кумааҕыттан кырыйан, патриотическай аахсыйа5а кыттыннылар. 

Бары кыттааччылар аахсыйаҕа кыттыбыттарын туоһулуур анал Сертификаттары туттулар. 

  Библиотекарь Тимофеева Е. С.