Бүгүн, от ыйын 17 күнүгэр, В.А.Петрова аатынан  Ньурбатааҕы улуустар икки ардыларынааҕы кырдьаҕастар, инбэлииттэр интэринээт-дьиэлэригэр Ф.Г. Сафронов аатынан киин бибилэтиэкэ үлэһиттэрэ Максимова Ю.А., Софронова Е.И. сонун-нуомас, кинигэ, сурунаал кэһиилээх ыалдьыттаатылар.

Олохтоохтор  «Ньурба» хаһыакка тахсыбыт тэттик сонуннары ааҕыытын,  «Бастакы булт» Айаалла кэпсээнин иһиттилэр, айылҕа көстүүлэрин туһунан, өс хоһооннору ситэрэр тургутуктарыгар көхтөөхтүк эппиэттээн минньигэс кэмпиэттэринэн күндүлэтэн үөрдүлэр, ааҕарга кинигэ, сурунаал уларыстылар. Түмүккэ, Бүлүү Лөкөчөөнүттэн төрүттээх, Иванов Василий Васильевич бэйэтэ айбыт «Чаҕыл уоттаах күн күнчээн», «Маҕан халааттаах аанньалларбар махтал» хоһооннорун ааҕан иһитиннэрдэ. Кэлэр сэттиэлэҕэ өссө кэлээриҥ диэн баҕа санааларын эттилэр.

Ааҕааччыны кытта үлэлиир салаа.