От ыйын 28 күнүгэр Ф. Г. Сафронов аатынан библиотекаҕа Ньурба улууһун уус-уран оҥоһуктарын маастара, Өрөспүүбүлүкэҕэ ыытыллар быыстапкалар дипломана, «Арыллыы» иистэнньэҥнэр түмсүүлэрин актыыбынай чилиэнэ, 4 оҕо тапталлаах ийэтэ, элбэх сиэн эбээтэ Мира Никитична Алексеева кыбытык тигиигэ маастар кылаас ыытта.

Мира Никитична тикпит сахалыы таҥастарын, панноларын, чаппарааҕы быыстапкаҕа туруорда. Иистэнньэҥ идэлээх күндү ыалдьыппыт иис кистэлэҥин, бэйэтин сатабылын үөрэттэ.