Сэтинньи 26 кунугэр Маардааҕы бибилэтиэкэҕэ Марха уокуругун оскуолаларын 3-4 кылаастарын уолаттарыгар аналлаах «Уоланнар ааҕыылаарын» күрэҕэ буолан ааста. Хорула, Хаҥалас, Акана, Марха, Маар, Үөдэй нэҺилиэктэриттэн кэлэн кыттыыны ыллылар. Күрэх саха поэтын Серафим Романович Кулачиков — Эллэй 120 сааҺыгар ананна. Уопсайа 21 уолан күрэхтэстилэр, нэҺилиэктэртэн кэлбит салайааччылар дьүүллүүр сүбэҕэ олордулар. Күрэх түмүгүнэн 1 Үрдэл — Андреев Айсен Үөдэй нэһилиэгэ, салайааччы Васильева Т. И.
2 Үрдэл — Иванов Семен, Хаҥалас нэһилиэгэ, салайааччы Иванова М. П.
3 үрдэл- Николаев Владислав, Марха нэһилиэгэ, салайааччы Анохина М. М.

Уонна бары кыттааччыларга, учуталларга сертификат туттарылынна.

Ааҕар балаҕаҥҥа сүрэхтэнии күнэ

Сэтинньи 20 күнүгэр, Маардааҕы бибилэтиэкэ кииҥҥэ, үгэскэ кубулуйбут маҥнайгы кылаас оҕолоругар аналлаах «Ааҕар балаҕаҥҥа сүрэхтэнии күнэ» ыытылынна. Кылаас салайааччыта Дмитрий Степанович үөрэнээччилэрин илдьэ кэлэн бибилэтиэкэни кытары билистилэр, хас биирдии оҕоҕо анал ааҕааччы буоларын туоҺулуур карточка арылынна. Оҕо бибилэтиэкэрэ Ольга Дмитриевна экскурсия оҥордо, кинигэни ааҕыы уонна бибилэтиэкэҕэ сылдьарга туох быраабылалардааҕын кэпсээтэ, көрдөрдө. Ол кэнниттэн оҕолорго араас сахалыы остуол оонньууларын үөрэтэн, тэҥҥэ оонньоон, оҕолор үөрэн-көтөн тарҕастылар.

Ольга Иванова.