Марха (Ньурба) улууһун историятын кэнчээри ыччакка тиэрдэр ытык сирдэрин, кэрэ көстүүлээх миэстэлэрин киэҥ араҥаҕа көрдөрөр сыаллаах күрэх “Вконтакте” сыһыарыы “Нюрбинская библиотека имени Ф.Г. Сафронова” бөлөҕөр https://vk.com/biblioteka.nyurba ыытыллар.
Тэрийэр бөлөх: Ф.Г. Сафронов аатынан Киин бибилэтиэкэ. Буолар күнэ-дьыла: 2024 сыл, кулун тутар 21 күнүттэн — муус устар 11 күнүгэр диэри.
Кыттааччыларга ирдэбил: Сааһыттан тутулуга суох Ньурба улууһун олохтооҕо буолуохтаах, идэлээх уонна сөбүлээн хаартыскаҕа түһэрээччилэр кыттыахтарын сөп.
Үлэҕэ ирдэбил:
- “Вконтакте” сыһыарыыга тус бэйэҕит страницаҕытыгар 1 бастыҥ түһэриигитин #төрөөбүтдойдумкэрэкөстүүлэрэ суруктаах таһаараҕыт;
- Хаартыска хаачыстыбата үрдүк буолуохтаах;
- Ааптар толору аата-суола, сааһа, идэтэ/үөрэҕэ суруллар;
- Үлэтин ааттаан, кылгас иһитиннэрии суруйан ыытар.
Наҕараадалааһын:
- Дьүүллүүр сүбэ быһаарыытынан муус устар 12 күнүгэр 1, 2, 3 миэстэлэр олохтоноллор.
- “Көрөөччү биһирэбилэ” анал ааты “Вконтакте” сыһыарыыга “Нюрбинская библиотека имени Ф.Г. Сафронова” бөлөҕөр элбэх “сүрэх” хомуйбут кыттааччы ылыаҕа.
- Кыайыылаахтар добун суруктарынан, кыттааччылар бары туоһу суругунан бэлиэтэнэллэр.
Тэрийэр бөлөх
