Бүгүн Мэҥэдьэктээҕи 11 нүөмэрдээх библиотекаҕа анал байыаннай дьайыыга сылдьар саллаат оҕолоругар уонна Хатыы орто оскуолатын 5 кылааһын үөрэнээччилэригэр анаан сынньанар-аралдьытар тэрээһин буолла. Оҕолор “Саһаан», “Тыксаан”, “Эрийии” сахалыы остуол оонньууларын оонньоон, таабырын таайан, кинигэ, сурунаал ааҕан, бол5омтону тупсарар, өйгө хатыырга көмөлөһөр дьарыктары оҥорон, минньигэс бириистэри сүүйэн астынан тарҕастылар.
5 кылаастар каникулларын кэмигэр кылаас салайааччыта Туйаара Васильевна көҕүлээһининэн библиотечнай дьарык буолла. Библиотека туохха наадалааҕын, библиотекарь диэн кимин, кимнээх бу тэрилтэҕэ сылдьалларын туһунан библиотекарь Габышева М.Г. элбэҕи кэпсээтэ. Оҕолор элбэҕи билэн, саҥаны сонурҕаан, аныгыскыга эмиэ кэлиэхпит диэн астынан тарҕастылар.

Матрена Габышева, Мэҥэдьэк.