Алтынньы 24 күнүгэр Ньурбатааҕы элбэх хайысхалаах Степан Васильев аатынан гиназия 9″а» кылааһыгар бу гимназия библиотекатыгар үлэлиир коллегам Л. В. Татаринованы кытта нуучча улуу поэта, биллиилээх прозаига Михаил Юрьевич Лермонтов төрөөбүтэ 210 сыллаах үбүлүөйүнэн литературнай чаас ыыттыбыт.

Лариса Васильевна «Свободы витязь молодой» диэн поэт олоҕун, айар үлэтин туһунан презентацияны көрдөрөн кылгастык кэпсээтэ. Ити кэнниттэн мин М. Ю. Лермонтовка аналлаах тус коллекциябынан «Великий сын России» быыстапкабын хас биирдии экспонатын сиһилии кэпсээн билиһиннэрдим.

Оҕолор М. Ю. Лермонтов туһунан олус элбэх саҥаны биллибит, урут хаһан да көрбөтөх кырачаан кээмэйдээх кинигэлэрбитин өссө илиибитигэр тутан-хабан көрдүбүт диэн астыммыттарын биллэрэн махтаннылар.

Онон литературнай чаас сыалын ситтэ.

Дикимдэ филиалын сүрүннүүр библиотекара С. Н. Павлова