Быйыл, Саха сиригэр оӄо бибилэтиэкэтэ тѳрүттэммитэ 85 сылынан, ѳрѳспүүбүлүкэ үрдүнэн «Библиомаяк» диэн киэҥ далааһыннаах тэрээһин бу балаӄан ыйын устата ыытыллыахтаах.

Санатан этэр буоллахха, быйыл Ньурбатааӄы оӄо библиэтиэкэтин иһинэн Ааӄар киин аһыллыбыта. Ааӄар киин Ньурба улууһун  тыл бэлиитикэтин сүбэтин, үѳрэӄирии салалтатын уонна общественнай түмсүүлэри кытта ыкса үлэлиир. Ааӄар киин быйылгы үѳрэх дьылыгар «Сахабынан киэн туттабын» диэн алын сүһүѳх кылаастарыгар (3-4 кылаастарга) сыл устата ыытыллар бырайыагы саӄалаата. Бырайыак сыала-соруга оӄолору тѳрѳѳбүт тылы таптыырга, сѳпкѳ саҥарарга, күннээӄи олоххо саха тылын туттарга туһуланар.

Бастакы тэрээһинин, балаӄан ыйын 8-с күнүгэр Арассыыйа омуктарын тѳрѳѳбүт тылларын күнүн чэрчитинэн, Ааӄар кииҥҥэ куорат оскуолатын 3-с кылааһын оӄолорун муста. Барыта биэс кылаастан 90 оӄо кытынна. Тэрээһини иилээн-саӄалаан ыыттылар: Ньурбатааӄы оӄо бибилэтиэкэтэ, «Сайдам тыл» түмсүү  уонна «Ньурба эрэлэ» оӄо хамсааһын кыттыылаахтара.

 Күрэх 5 түһүмэӄинэн ыытылынна: «Тыл хонуута», «Кэпсээн хонуута», «Таабырыннар», «Өс хоһооннор» уонна «Сахалыы оонньуулар». Күрэх бэрт сэргэхтик ааста, саха тылын күннээӄи кэпсэтиигэ тѳһѳ элбэхтик туттарбытын, ыраастык саҥарарбытын тургутан кѳрдүбүт. Тэрийээччилэр оӄо сахалыы кэпсиир дьоӄурдара мѳлтѳӄүн бэлиэтээтилэр. Инники ыытыллар тэрээһиннэргэ бу хайысхаӄа болӄомто ууруллуоӄа.

Күрэх кыттыылаахтарыгар, үѳрэтэр учууталларга тэрийээччилэр ааттарыттан махталбытын тиэрдэбит.

Тѳрѳппүттэр оӄолоргут тылларын сайыннарарга кыттыһан сахабыт тылын харыстыырга күүс-кѳмѳ буолуҥ диэн ыҥырабыт.

В.А.Обоева, Убайааннааӄы бибилэтиэкэ үлэһитэ.