1922 сыллаахха бу күн саха норуотун чулуу уолаттара Былатыан Ойуунускай, Максим Аммосов, Исидор Барахов Саха сирэ автономия буоларын ситиспиттэрэ. Ол саха омуга сайдыытыгар улахан төһүү күүс, бигэ тирэх буолбута.

Бу уһулуччу сүдү суолталаах бэлиэ күнү көрсө муус устар 24 күнүгэр Чаппанда нэһилиэгин олохтоох бибилэтиэкэтигэр үс көлүөнэ кыттыылаах «Моя Республика» квиз-оонньуу ыытылынна. Үстүү киһилээх үс хамаанда кэлэн күрэстэстилэр, билиилэрин-көрүүлэрин тургуттуллар. Барыта 10 ыйытыылаах, 4 түһүмэхтээх ыытылынна.

Бастакы түһүмэх «Сахабыт сирин историята» , иккис түһүмэх «Култуура уонна искусство «, үһүс түһүмэх «Успуорт», төрдүс түһүмэх «Кини кимий?»

Дьүүллүүр сүбэҕэ үлэлээтилэр М. С. Семенов аатынан «Дьо5ур» норуот айымньытын үлэһиттэрэ, дириэктэр Антонова В. С., уус-уран салайааччы Семенова С. С., Кононова М. Н.

Түмүккэ орто саастаахтар хамаандалара :Бухолов К. Г., Семенова Л. А, Алексеева С. В. бастаатылар.

Кинилэртэн биир очконан хаалан иккис миэстэни эбээлэр хамаандалара: Сидорова Т. Д., Прокопьева М. И. Тойдахова Т. Д. ыллылар.

Үһүс миэстэни оҕолор хамаандалара:
Алексеева Таммила, Егорова Лилиана, Иванова Виолетта ситистилэр.

Түмүккэ хас биирдии квиз-оонньуу кыттааччыларыгар Добун суруктары, мэтээллэри 🥇🥈🥉 туттардыбыт. Бары кэлэн кыттыыны ылбыт дьоннорбутугар махталбытын тириэрдэбит, өрүү да маннык көхтөөх, доруобай буолуҥ.
Бибилэтиэкэр Тимофеева Е. С.