Ньурба куорат киин бибилэтиэкэтин ааҕар саалатыгар кулун тутар 4 күнүгэр буолла. Санатан эттэххэ, ҮС улахан суруйааччыларбытыгар анаммыт дорҕоонноохтук ааҕыы иккис түһүмэҕэ. Олунньу 10 күнүгэр бастакы суруйааччыбыт Степан Прокопьевич Федотов төрөөбүтэ 90 сылыгар анаммыт ааҕыынан  Чемпионат саҕаламмыта.  Чемпионат иккис түһүмэҕэ Ньурба куорат, Антоновка, Убайаан оскуолаларыттан 13 эдэр уоланнары-үрдүкү кылаас уолаттарын- түмтэ.

Бүгүҥҥү дорҕоонноохтук ааҕыы анабыла: биир дойдулаахпыт, саха биллиилээх учуонайа, , философскай наука доктора, профессор, бэйиэт уонна литэрэтиирэ кириитигэ,  суруйааччы,  РФ култууратын үтүөлээх үлэһитэ, “Норуоттар доҕордоһуулара”, “Хомус”  түмэллэри тэрийбит  Ксенофонт Дмитриевич Уткин — Нүһүлгэн  төрөөбүтэ 90 сылыгар аналлаах кини хоһооннорун, үлэлэрин дорҕоонноохтук ааҕыы чемпионатка кытыннылар:

Александр Чусовской аатын сүгэр  Ньурба куорат техническэй лицейтэн :

Леонид Павлов, Никита Борисов, Ярий Антонов – уолаттар үһүөн 9 б  кылааска үөрэнэллэр.

Степан Васильев аатынан элбэх хайысхалаах гимназияттан:

10 кылаастан Лазарев Дамир, Егоров Айтал,  9 в кылаастан Семенов Алексей

Михаил Егоров аатын сүгэр  2 № оскуолаттан:

8 в кылаастан Алексеев Альберт, Яковлев Максим уонна11 кылаас үөрэнээччитэ Григорьев Александр

Станислав Потапов аатын сүгэр  Убайааннааҕы оскуолаттан:

1. Иванов Максим, Саввинов Николай, Тихонов Максим — уолаттар үһүөн 9 бүөрэнэллэр.

Николай Чусовской аатын сүгэр  Антоновкатааҕы оскуолаттан:

 9 б кылаас үөрэнээччитэ  Алексеев Дамир.

Дорҕоонноохтук ааҕар уолаттарбытын сэргиир-сэҥээрэр Тойон сүбэҕэ үлэлээтилэр:

Билиҥҥи кэм биллэр прозаик суруйааччыта, «Ньурба уоттара» литературнай түмсүү салайааччыта  Пономарев Дмитрий Николаевич – Дьолуолаах, Саха Өрөспүүбүлүкэтин норуодунай артыыһа Борисов Борис Иванович уонна Саха литературатын сырдатааччы, тарҕатааччы Степан Федотов аатын, олоҕун уонна айар үлэтин үйэтитиинэн күүскэ дьарыгырар, суруйааччы архыыбыттан икки кинигэни хомуйан оҥорбут учуутал, кыраайы үөрэтээччи Канаева Луиза Акимовна. Сэҥээрэр-сэргиир Тойон сүбэ уолаттар ааҕыыларын дорҕоонноохтук, тылы сөпкө ааҕыыларын уонна истээччигэ тириэрдиилэрин сыаналаата

Чемпионат Үс түһүмэхтэн турда: 1. Ксенофонт Нүһүлгэн ырыа буолбут хоһооннорун 2. Илиҥҥи омуктар хокку ньымаларынан айбыт, суруйбут лоскуй поэзиятын 3. Саха олоҕун устар утумун сыныйан көрбүт научнай үлэлэрин дорҕоонноохтук ааҕыы. Бириэмэтинэн, тиэксинэн тэҥ айымньылары кыттааччылар тута ылан аахтылар. Кинигэттэн ааҕыы кээмэйинэн, бириэмэтинэн барыта тэҥ, ырыа буолбут хоһооннорун араас сылларга бэчээккэ тахсыбыт суруйааччы кинигэлэриттэн, лоскуй поэзиятын лиискэ бэчээттэммиттэн, научнай үлэлэриттэн  220 тыллаах быһа тардыылары аахтылар.

Икки чаастаах киирсии түмүгүнэн  Кыайыы өрөгөйүн туттулар:

БАСТАКЫ МИЭСТЭ — АЛЬБЕРТ АЛЕКСЕЕВ, Михаил Егоров аатынан Ньурба куорат  2 № оскуола.

ИККИС МИЭСТЭ — ДАМИР АЛЕКСЕЕВ, Николай Чусовской аатын сүгэр  Антоновкатааҕы оскуола.

ҮҺҮС МИЭСТЭ — ЛЕОНИД ПАВЛОВ, Александр Чусовской аатын Ньурба куорат техническэй лицей

Дорҕоонноохтук ааҕыы бары кыттыылаахтарыгар, учууталларыгар тэрийээччилэр ааттарыттан барыгытыгар өссө төгүл махтанабыт.

Биир дойдулаахпыт, саха биллиилээх учуонайа, философскай наука доктора, профессор, РФ култууратын үтүөлээх үлэһитэ, бэйиэт уонна литэрэтиирэ кириитигэ,  суруйааччы Ксенофонт Дмитриевич Уткин — Нүһүлгэн  айымньыларын, билсэн, ааҕан төрөөбүт тылбыт үтүө сүмэтинэн угуттаммыт үтүө күммүт олохпут биир умнуллубат түгэнинэн буоллун!