Бүгүн «Надежный тыл — путь к Победе» патриотическай массыынанан айан Марха куустатын нэһилиэктэрин кыттыылаахтара Хорула нэһилиэгэр тиийдибит. Үөдэй нэһилиэгиттэн байыаннай дьайыы кыттыылаахтарын ийэлэрэ — Анна Степанова, Таисия Григорьева, Мария Протопопова уонна СВО кыттыылааҕын кэргэнэ Наталия Крылова, дьаһалта специалиһа Астра Торохова салайыытынан тиийэн кытынныбыт. Күн бүгүн нэһилиэкпититтэн үс уол дойдуларын көмүскүү сылдьаллар.
«КНИГИ ДОНБАССУ» акцияҕа бары кыттан оҕолорго аналлаах нууччалыы кинигэлэри туттардыбыт. Мин, Наталия Крылова, чүмэчини, маҥан эһэ миискэни оҥорор маастар кылааска кыттан, чүмэчим табыллан наһаа үөрдүм.
«Письмо Папе» акцияҕа оҕолор аҕаларыгар суруйбут суруктарын Биир ньыгыл Россия Ньурбатааҕы сэкирэтээригэр Виктория Степановаҕа тиксэрдим, оҕолорго биирдии бэйэлэригэр «У нас есть ГЕРОЙ мы зовем его ПАПА» диэн суруктаах значок биэрдилэр.
Ол кэнниттэн профессиональнай фотографка биир-биир уонна үөдэйдэр бары бииргэ хаартыскаҕа түстүбүт. Тэрээһин чэрчитинэн сетканы хайдах сөпкө өрөргө үөрэттилэр, плащ тигэргэ нэһилиэктэринэн таҥас матырыйаалын биэртэлээтилэр.
Төгүрүк остуол тула олорон билиҥҥи балаһыанньа тула кэпсэтии уонна да тустаах тэрээһиннэр ыытылыннылар.

Наталия Крылова, Үөдэй бибилэтиэкэрэ.