Ф.Г. Сафронов аатынан Ньурбатааҕы киин бибилэтиэкэ ааҕааччыны кытта үлэлиир салаата уонна оҕо-ыччат бибилэтиэкэтэ ыам ыйын 19 күнүгэр нэһилиэнньэни кыраайы үөрэтиигэ сырдатыы үлэтин чэрчитинэн бастакы тэрээһинин ыытта. 

Истээччилэр Ньурбатааҕы кииннэммит бухгалтерия уонна экология управлениятын үлэһиттэрэ. 

Тэрээһин Ньурбабыт оройуонугар Саха норуотун бастакы — бастыҥ бэйээт дьахтара, биир дойдулаахпыт Варвара Потапова үбүлүөйдээх күнүгэр — сырдык аатын үйэтитэн — 2026 сылтан ЫАМ ЫЙЫН 13 күнэ — Поэзия күнүнэн биллэрбит ыам ыйын 8 күнүгэр 28 № тахсыбыт уураах туһунан сонунтан саҕаланна.

 Быйыл төрөөбүтэ 80 сыла туолар Варвара Николаевна Потапова туһунан  киин бибилэтиэкэ кыраайы үөрэтэр салаатын үлэһитэ Маргарита Романовна Ноева, оҕо-ыччат бибилэтиэкэтин бибилэтиэкэрэ Октябрина Дмитриевна Григорьева кэпсээннэригэр, Варвара Потапова хоһооннорун Саха литературатын сырдатааччы, тарҕатааччы Луиза Акимовна Канаева толорууларыгар олоҕурда.  

Киин бибилэтиэкэ фондатыгар харалла сытар «СИБЭККИ ӨРӨГӨЙДӨӨХ ЫҺЫАҔЫНАН СИМИЭХТЭРЭ…» диэн Поэт тиллиитин уонна өлбөт өрөгөйүн сырдатар Варвара Потапова кинигэлэрин, киниэхэ аналлаах матырыйааллартан быыстапка турда.