Аҕа дойду сэриититтэн эргиллибэтэх биир дойдулаахтарбыт туһунан кыра да сонуну булуу төһөлөөх үөрүүнү, ордук аймахтарыгар аҕаларын кыайан эппэккин.

Лука Миронович Чуукаартан төрүттээх. Кини бойобуой суолун биир түгэнин туһунан Yөһээ Бүлүүгэ төрөөбүт, сэрииттэн эргиллэн кэлэн баран, Ленскэй куоракка олохсуйбут Георгий Гаврильевич Алексеев маннык ахтар: «Мин Волокаламскай куораты, Смоленскай уобалаһы босхолоспутум. Белоруссияҕа Минскэй куораты босхолооһуҥҥа, Илиҥҥи Пруссия кыраныыссатыгар сэриигэ кыттыбытым, үстэ бааһырбытым, биир кимэн киирии иннигэр Лука Николаевы көрсөн ааспытым, онно өлбүт буолуохтаах».

Лука Николаев Белоруссияны босхолоспут, Илиҥҥи Пруссияны босхолуур суостаах сэрии активнай кыттыылааҕа эбит. Ити кыргыһыыга биһиги өттүбүтүттэн улахан сиэртибэ тахсыбытынан сибээстээн, быһа сэрэйэн Г. Алексеев Лука Мироновиһы өлбүтүнэн aaxтаҕа.

Лука Миронович Минскэй полк командирын 1944 с. алтынныы 5 күнүнээҕи бирикээһинэн «Хорсунун иһин» медалынан наҕараадаламмыт. Илиҥҥи Пруссияҕа 1944 с. алтынньы 25 күнүгэр геройдуу охтубут. Лука Николаев көмүс уҥуоҕа Польшаҕа Гумбиненскэй воеводствоҕа Гельвайден дьиэтин арҕаа өттүгэр 100м. сиргэ көмүллэ сытар». (Г. Васильев суруйуута).

   Из книги : Буойун доҕотторум [хомуйан оҥордо С. Г. Петров]. – Ньурба : Нюрбинская типография, 2010. – С. 11.