Арассыыйаҕа Дьиэ кэргэн, Өрөспүүбүлүкэҕэ Оҕо,
Ньурба оройуонугар тулалыыр эйгэни тупсарыы,
Марха улууһа тэриллибитэ 200 сылларыгар ананан ыытыллар
“Ньурба сайдыыта мин харахпынан” –
“Светлое будущее Нюрбы моими глазами”
уруһуй күрэҕин балаһыанньата.

Тэрийээччилэр: Оҕо уонна ыччат бибилэтиэкэтэ.
Ыытыллар кэмэ: тохсунньу 30 күнүттэн – олунньу 10 күнүгэр дылы.
Кыттааччылар: Ньурба куоратын оскуолаларын 5-6 кылааһын үөрэнээччилэрэ.

Күрэх сыала-соруга: оҕо айар, ойуулуур-дьүһүннүүр дьоҕурун сайыннарыы, төрөөбүт дойдуга тапталы иҥэрии, ийэ дойдуга бэриниилээх буоларга иитии.

Тутуһуллар ирдэбиллэр:

• уруһуй тиэмэтин арыйыы;
• оҕо бэйэтэ сөбүлүүр ньыматынан А3 кээмэйдээх лиискэ уруһуйдуур;
• уруһуй аллараа уҥа муннугар оҕо аата-суола, оскуолата, кылааһа, салайааччытын аата суруллар;
• үлэлэри Оҕо уонна ыччат бибилэтиэкэтигэр аҕалан туттарыллар,
• кыттааччылар үлэлэрэ куйаар ситимин нөҥүө киэҥ эйгэҕэ тарҕанарыгар тутатына сөбүлэҥнэрин биэрбиттэринэн ааҕыллар.

Кыайыылаахтары быһаарыы:
Күрэх түмүгүн таһаарарга үс киһилээх дьүүллүүр сүбэ тэриллэр (бибилэтиэкэ, тыйаатыр, түмэл үлэһиттэрэ).
Сыаналааһын тутула:
1) тиэмэни арыйыы;
2) уруһуйдааһын маастарыстыбата;
3) өҥнөрү сөпкө дьүөрэлээн туттуу;
Түмүккэ 1, 2, 3 миэстэ быһаарыллар. Кыттааччыларга барыларыгар Туоһу суруктар туттарыллаллар. Кыайыылаахтарга — Добун суруктар, бириистэр, ону таһынан үлэлэрэ “Дойдум алгыстаах аартыктарынан…” брошюраҕа бэчээттэнэллэр.

Тэрийэр хамыыһыйа.
Билсэр нүөмэрдэр :
89841136180, 89148263941