Ахсынньы ый 6 — 7 күннэригэр М. С. Иванов — Багдарыын Сүлбэ аатын сүгэр Ньурбачаан орто оскуолата 100 сылын бэлиэтиэҕэ. Үбүлүөй чэрчитинэн олохтоох бибилэтиэкэ алын кылаас оҕолоругар анаан «Мин бастакы учууталым» диэн уруһуй дьарыгын ыытта. Хас биирдии киһиэхэ бастакы учуутал олоҕун устата умнуллубат киһинэн буолар. Бүгүн оҕолор бэйэлэрин маҥнайгы учууталларын тылларынан кэпсээн, уруһуйга түһэрэн астынан тарҕастылар. Үбүлүөй кэмигэр оҕолор уруһуй быыстапкаларын олохтоох бибилэтиэкэҕэ кэлэн көрүөххүтүн, билсиэххитин сөп.

Татьяна Яковлева, бибилэтиэкэр.