Марха улууһа тэриллибитэ 200 сылларыгар ыстатыйа уонна уруһуй быыстапката

Ньурбатааҕы кииннэммит библиотекэ ситимэ Арассыыйаҕа Дьиэ кэргэн, Өрөспүүбүлүкэҕэ Оҕо, Ньурба оройуонугар тулалыыр эйгэни тупсарыы, Марха улууһа тэриллибитэ 200 сылларыгар ананар дойдубут историята билиҥҥи кѳлүѳнэ хараҕынан «Дойдум алгыстаах аартыктарынан…» оҕо ыстатыыйа суруйуутугар уонна «Ньурба сайдыыта оӄо хараҕынан» уруһуйга күрэхтэрэ биллэриллибитэ.

Бырайыак 5-11 кылаастар үөрэнээччилэригэр оҕо айар, өйтөн суруйар, уруһуйдуур дьоҕурун сайыннарыы, төрөөбүт дойдуга тапталы иҥэрии, ийэ дойдуга бэриниилээх буоларга иитэр сыаллаах ыытылынна.

«Ньурба сайдыыта оҕо хараҕынан» уруһуй күрэҕэр барыта холбоон 23 оҕо кыттыылаах 21 үлэ киирдэ. Дьүүллүүр сүбэ быһаарыытынан түмүк маннык таҕыста:

1 миэстэ – Тимофеева Анжелина, М.С.Егоров аатынан Ньурба 2№ орто оскуолатын 9 кылааһын үѳрэнээччитэ;

2 миэстэ – Иванова Иванна, Такырова Анита М.В.Мегежескай аатынан Маалыкай орто оскуолатын 8 кылааһын үѳрэнээччилэрэ;

3 миэстэ – Степанова Оливия, Е.К.Федоров аатынан Хорула орто оскуолатын 5 кылааһын үѳрэнээччитэ;

Киирбит үлэлэринэн Ньурба куорат Киин библиотекатыгар сыл устата быыстапка туруоҕа, оҕолор үлэлэрин киирэн кѳрүҥ, билсиҥ.

«Дойдум алгыстаах аартыктарынан…» оҕо ыстатыыйа суруйуутугар дьүүлүүр сүбэ 24 үлэни сыаналаата. Дьүүлүүр сүбэӄэ үлэлээтилэр: Саха ѳрѳспүүбүлүкэтин суруйааччыларын сойуустарын чилиэнэ Александров А.П. – Сахса Тар, Ноева М.Р. Ф.Г.Сафронов аатынан Киин бибилэтиэкэ кыраайы үѳрэтэр салаа үлэһитэ, Павлова И.И., Кииннэммит бибилэтиэкэ ситимин оҕону кытта үлэлиир методиһа. Дьүүллүүр сүбэ ыстатыйа суруйарга үгүс оӄо элбэх литератураны ааӄан, үѳрэтэн үлэлээбиттэрин хайӄыы бэлиэтээтэ. Ол эрэн, биирдиилээн үлэлэргэ кэккэ сыыһалар баалларын чуолкайдаан, кыра уларытыы киллэрилиннэ. Инникитин дьүүлүүр сүбэ салайааччыларга оӄолор үлэлэригэр олохтоох, сурукка киирбит матырыйааллар сѳп түбэһиилэрин бэрэбиэркэлиэхтэрин наада диэн баӄа санаатын тириэрдэр.

1 миэстэ — Васильев Иван, В.Н.Иванов аатынан Дьаархан орто оскуолатын 8 кылааһын үөрэнээччитэ.

2 миэстэ — Нюргуяна Андреева, С.С.Сүүлүскэй орто оскуолатын 9 кылааһын үөрэнээччитэ

2 миэстэ — Лиза Алексеева, С.И.Алексеев аатынан Диикимдэ ситэтэ суох орто оскуолатын 8 кылааһын үөрэнээччитэ.

3 миэстэ — Санаайа Яковлева, Н.И.Прокопьев аатынан Хатыы орто оскуолатын 10 кылааһын үөрэнээччитэ.

3 миэстэ — Слепцова Анита, В.И.Максимов аатынан Малдьаҕар орто оскуолатын 8 кылааһын үөрэнээччитэ.

И. И. Павлова, Кииннэммит бибилэтиэкэ ситимин оҕону кытта үлэлиир методиһа